ଚୀନ୍ କହୁଛି ଭାରତୀୟ ଗରିଲା ଫାଇଟର ଆମେରିକା-ରୁଷଠାରୁ ବି ଭୟଙ୍କର…!
1 min read
ନୂଆଦିଲ୍ଲୀ: ଗଲବାନ ଘାଟିରେ ଭାରତର ୨୦ ଜଣ ସୈନିକ ସହିଦ ହେବା ପରଠାରୁ ସେଠାକାର ପରିସ୍ଥିତି ଭଲ ନାହିଁ । ଲଦାଖରେ ଭାରତୀୟ ସେନାକୁ ଏଲ୍ଏସିରେ ଆର୍ଲଟ କରିଦିଆଯାଇଛି । ଏହି ମଧ୍ୟରେ ୩୪୮୮ କିଲୋମିଟର ବିଶିଷ୍ଟ ଲମ୍ବା LACରେ ମାଉଣ୍ଟେନ ଫୋର୍ସକୁ ମୁତୟନ ମଧ୍ୟ କରିଛି ଭାରତ । ଏହି ମାଉଣ୍ଟେନ୍ ଫୋର୍ସ ହେଉଛି ସେନାର ସେହି ଟିମ୍ ଯିଏ କି, ପାହାଡ଼ ଉପରୁ ଶତ୍ରୁଙ୍କ ଉପରେ ନଜର ରଖିବ । କୁହାଯାଉଛି ଯେ, ଚୀନ୍ ସେନାକୁ ମୁହଁ ତୋଡ଼ ଯବାବ ଦେବା ପାଇଁ ଏହି ସେନାକୁ ଏଠାରେ ନିୟୋଜିତ କରାଯାଇଛି ।
ମାଉଣ୍ଟେନ୍ ଫୋର୍ସ କ’ଣ ?
ସୀମରେ ମୁତୟନ ହୋଇଥିବା ଏହି ମାଉଣ୍ଟେନ୍ ଫୋର୍ସ ଗୋରିଲା ଯୁଦ୍ଧରେ ମାହିର । ଖରାପ ଏବଂ ବିପଦପୂର୍ଣ୍ଣ ସ୍ଥିତିରେ ମଧ୍ୟ ସେମାନେ ଶତ୍ରୁକୁ କଡ଼ା ଜବାବ ଦେବାରେ ସିଦ୍ଧହସ୍ତ । ବିଶେଷ କରି ସେମାନଙ୍କୁ ପାହାଡ଼ ଉପରେ ଯୁଦ୍ଧ କରିବା ପାଇଁ ସ୍ୱତନ୍ତ୍ର ତାଲିମ ଦିଆଯାଇଥାଏ । ୧୯୯୯ ର କାର୍ଗିଲ ଯୁଦ୍ଧରେ, ମାଉଣ୍ଟେନ୍ ଫୋର୍ସ ପାକିସ୍ତାନୀ ସୈନିକମାନଙ୍କୁ ଉପଯୁକ୍ତ ଉତ୍ତର ଦେଇଥିଲା । ଚୀନ୍ ବିଶେଷଜ୍ଞ ମାନେ ମଧ୍ୟ ଏହା ସ୍ୱୀକାର କରିଛନ୍ତି ଯେ, ଭାରତୀୟ ପାହାଡ଼ି ସେନା ଆମେରିକା କିମ୍ବା ଋଷ ସେନାଠାରୁ ଅଧିକ ଶକ୍ତିଶାଳୀ । ଆମେରିକା କିମ୍ବା ଋଷ ପାଖରେ ବି ନାହିଁ ଏଭଳି ଶକ୍ତିଶାଳୀ ମାଉଣ୍ଟେନ୍ ଫୋର୍ସ ।
ସୁଟିଂରେ ମାଷ୍ଟର
ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ଜଣେ ପୂର୍ବତନ ସେନା ମୁଖ୍ୟ କହିଛନ୍ତି ଯେ, ମାଉଣ୍ଟେନ୍ ଫୋର୍ସର ଟାର୍ଗେଟ୍ ଅଧିକାଂଶ ସମୟରେ ସଠିକ୍ ଥାଏ । ଏମାନଙ୍କର ଟାର୍ଗେଟ୍ କେବେ ମିସ୍ ହୋଇନଥାଏ । ଏହି ଫୋର୍ସରେ ଅଧିକାଂଶ ଉତ୍ତରପ୍ରଦେଶ, ଲଦାଖ, ଅରୁଣାଚଳ ପ୍ରଦେଶ ଏବଂ ସିକ୍କିମର ସୈନିକମାନଙ୍କୁ ସ୍ଥାନ ଦିଆଯାଇଥାଏ । ଚୀନ୍ର ଅଞ୍ଚଳ ଟିକେ ସମତଳ କିନ୍ତୁ ଭାରତ ସୀମାରେ କେବଳ ପାହାଡ଼ ପର୍ବତ ରହିଛି ଏବଂ ଏଠାରେ ଚଳପ୍ରଚଳ କରିବା ବହୁତ କଷ୍ଟଦାୟକ । ଏଭଳି ପରିସ୍ଥିତିରେ ସେନା ପାଇଁ ଆଗକୁ ବଢ଼ିବା ସହଜ ନୁହେଁ । କିନ୍ତୁ ମାଉଣ୍ଟେନ୍ ଫୋର୍ସ ଏହାକୁ ଅତି ସହଜରେ ଅତିକ୍ରମ କରିପାରିବ ଏବଂ ପୁରା ଇଲାକାକୁ ନିଜ ନିୟନ୍ତ୍ରଣରେ ରଖିପାରିବ ।
