ଭାରତ-ପାକ୍ ମଧ୍ୟରେ ଅନିର୍ଦ୍ଦିଷ୍ଟ କାଳ ଯାଏଁ ଅସ୍ତ୍ରବିରତି

ନନ୍ଦିଘୋଷ ବ୍ୟୁରୋ: ଭାରତ ଓ ପାକିସ୍ତାନ ମଧ୍ୟରେ ଆଜି ଅସ୍ତ୍ରବିରିତି ସମୟ ସୀମା ଶେଷ ହେଉଥିବା ବେଳେ ଏହାକୁ ଅନିର୍ଦ୍ଦିଷ୍ଟ କାଳ ପାଇଁ ବଢ଼ାଇ ଦିଆଯାଇଛି । ଏନେଇ ଭାରତୀୟ ସେନା ପକ୍ଷରୁ ବିବୃତି ଜାରି କରି ସୂଚନା ଦିଆଯାଇଛି । ୨ ଦେଶ ମଧ୍ୟରେ ଅନିର୍ଦ୍ଦିଷ୍ଟକାଳ ଯାଏଁ ଅସ୍ତ୍ରବିରତି ପାଇଁ ଭାରତ ରାତି ହୋଇଛି । ଗତ ୧୨ ତାରିଖରେ ଦୁଇ ଦେଶ ମଧ୍ୟରେ ଡିଜିଏମଓ ସ୍ତରୀୟ ଆଲୋଚନା ବେଳେ ଅନିର୍ଦ୍ଦିଷ୍ଟ କାଳ ଯାଏଁ ଅସ୍ତ୍ରବିରତି ନେଇ ସହମତି ହୋଇଥିଲା ।

ତେବେ ଆଜି ଡିଜିଏମଓ ସ୍ତରୀୟ ଆଲୋଚନା ହେବା ନେଇ କିଛି ଗଣମାଧ୍ୟମରେ ଖବର ପ୍ରକାଶ ପାଇଥିଲା । ଯାହାକୁ ଭାରତୀୟ ସେନା ପକ୍ଷରୁ ଖଣ୍ଡନ କରାଯାଇଛି । ଏହାସହ ୧୨ ତାରିଖ ବୈଠକରେ ଏହି ନିଷ୍ପତ୍ତି ହୋଇଥିବା ସ୍ପଷ୍ଟ କରାଯାଇଛି ।

ଭାରତ ପାକିସ୍ତାନ ମଧ୍ୟରେ ଅସ୍ତ୍ରବିରତି ଆଜି ଶେଷ ହେଉଥିବା ଜାତୀୟ ଗଣମାଧ୍ୟମରେ ଆଲୋଚନା ହେଉଥିଲା । ଏହାକୁ ଭାରତୀୟ ସେନା ପକ୍ଷରୁ ବିବୃତ୍ତି ଜାରି କରି ଖଣ୍ଡନ କରାଯାଇଛି । ମେ’ ୧୮ ତାରିଖରେ ଅସ୍ତ୍ରବିରତି ଖବର ପରେ ଅନେକ ଲୋକଙ୍କ ମଧ୍ୟରେ ଦ୍ୱନ୍ଦ୍ୱ ସୃଷ୍ଟି ହୋଇଥିଲା । ତଥାପି ସେନା ପକ୍ଷରୁ ବିବୃତ୍ତି ଜାରି କରି କୁହାଯାଇଛି, ଦୁଇ ଦେଶ ମଧ୍ୟରେ ଯୁଦ୍ଧବିରତି ସମାପ୍ତ ହେବା ଖବର ସମ୍ପୂର୍ଣ୍ଣ ମିଥ୍ୟା । ସେହିପରି କିଛି ଗଣମାଧ୍ୟମ ଏହା ମଧ୍ୟ ଦାବି କରୁଛନ୍ତି ଯେ ଭାରତ ଏବଂ ପାକିସ୍ତାନ ମଧ୍ୟରେ ଡିଜିଏମଓ ସ୍ତରୀୟ ଆଲୋଚନା ଆଜି ସ୍ଥିର ହୋଇଛି । କିନ୍ତୁ ଏପରି କୌଣସି ଆଲୋଚନା ସ୍ଥିର କରାଯାଇ ନାହିଁ ବୋଲି କହିଛି ସେନା । ଗତ ୧୨ ତାରିଖରେ ଉଭୟ ଦେଶର ଡିଜିଏମଓଙ୍କ ମଧ୍ୟରେ କଥାବାର୍ତ୍ତା ହୋଇ ଯୁଦ୍ଧବିରତି ଉପରେ ଏକ ଚୁକ୍ତି ହୋଇଥିଲା । ଏହାର କୌଣସି ଅବଧି ତାରିଖ ସ୍ଥିର କରାଯାଇ ନାହିଁ । ଏହାର ଅର୍ଥ ଅନିର୍ଦ୍ଦିଷ୍ଟ କାଳ ପାଇଁ ଜାରି ରହିବ ଅସ୍ତ୍ରବିରତି ।