ହ୍ୱାଇଟ୍ ହାଉସରେ ନିଯୁକ୍ତ ହେଲେ ଦୁଇ ଭାରତୀୟ
ୱାଶିଂଟନ: ଭାରତୀୟ ବଂଶୋଦ୍ଭବ ବିନୟ ରେଡ୍ଡୀ ଓ ଗୌତମ ରାଘବନଙ୍କୁ ହ୍ୱାଇଟ୍ ହାଉସରେ ନିଯୁକ୍ତି ମିଳିଛି। ଆମେରିକାର ନବ ନିର୍ବାଚିତ ରାଷ୍ଟ୍ରପତି ଜୋ. ବାଇଡେନ୍ ଉଭୟଙ୍କୁ ନିଯୁକ୍ତ କରିଛନ୍ତି।
ବିନୟ ରେଡ୍ଡୀ ବାଇଡେନ୍ଙ୍କ ସ୍ପିଚ୍ ରାଇଟର ଭାବେ ନିଯୁକ୍ତ ହୋଇଥିବା ବେଳେ ଗୌତମ ରାଘବନ୍ ରାଷ୍ଟ୍ରପତି କାର୍ଯ୍ୟାଳୟର ଡେପୁଟି ଡାଇରେକ୍ଟର ଭାବେ ନିଯୁକ୍ତ ହୋଇଛନ୍ତି। ରାଘବନ୍ ପୂର୍ବରୁ ହ୍ୱାଇଟ୍ ହାଉସ୍ କର୍ମଚାରୀ ଭାବେ କାର୍ଯ୍ୟ କରିସାରିଛନ୍ତି। ରେଡ୍ଡୀ ଓ ରାଘବନ୍ଙ୍କ ସମେତ ଉପରାଷ୍ଟ୍ରପତି କମଲା ହରିସ୍ଙ୍କ ଅଫିସ୍ ପାଇଁ ମଧ୍ୟ ୪ଜଣ ବରିଷ୍ଠ କର୍ମଚାରୀଙ୍କୁ ନବ ନିଯୁକ୍ତି ମିଳିଛି। ପରିଚାଳନା ଏବଂ ପ୍ରଶାସନ ନିର୍ଦ୍ଦେଶକ ଭାବେ ଆନି ଫିଲିପିକ୍, ଯୋଜନା ବୋର୍ଡ଼ ନିର୍ଦ୍ଦେଶକ ଭାବରେ ରିଆନ୍ ମୋଣ୍ଟୋୟା, ଡେପୁଟି ଚିଫ୍ ଭାବେ ବ୍ରୁସ୍ ରିଡ୍ ଏବଂ ଏଲିଜାବେଥ୍ ୱିଲକିନ୍ସଙ୍କୁ ମୁଖ୍ୟ ପରାମର୍ଶଦାତା ଭାବେ ନିଯୁକ୍ତ କରାଯାଇଛି।
