ନନ୍ଦିଘୋଷ ବ୍ୟୁରୋ : ଆମେରିକାରେ ଭାରତୀୟ ବଂଶୋଦ୍ଭବଙ୍କୁ ନିର୍ମମ ହତ୍ୟା। ପତ୍ନୀ ଓ ପୁଅ ଆଗରେ ଟାଙ୍ଗିଆରେ ଗଳାକାଟି ହତ୍ୟା କଲା ଦୁର୍ବୃତ୍ତ। ଆମେରିକା ଡାଲାସ ସହରର ଏ ଘଟଣା। ଖରାପ ପଡିଥିବା ଏକ ୱାସିଂ ମେସିନ ବ୍ୟବହାର କରିବାକୁ ମନା କରିବାରୁ ରାଗରେ ହାଣିଦେଲା ଦୁର୍ବୃତ୍ତ। ୱାଶିଂ ମେସିନ୍ ନେଇ ଯୁକ୍ତିତର୍କ ପରେ ଆମେରିକାର ଏକ ହୋଟେଲରେ ଭାରତୀୟ ବ୍ୟକ୍ତିଙ୍କୁ ମୁଣ୍ଡକାଟି ହତ୍ୟା କରିଛି ସ୍ଥାନୀୟ ଜଣେ ବ୍ୟକ୍ତି। ଅଭିଯୁକ୍ତ ଆମେରିକୀୟ ନାଗିରକକୁ ଗିରଫ କରିଛି ପୋଲିସ।
ଭାରତୀୟ ଜଣକ ହୋଟେଲରେ ମ୍ୟାନେଜର ଥିଲେ।ମୃତକ କର୍ଣ୍ଣାଟକ ଅଂଚଳର ୫୦ ବର୍ଷୀୟ ଚନ୍ଦ୍ର ନାଗାମଲ୍ଲାୟା ବୋଲି ଜଣାପଡିଛି। ନାଗାମଲ୍ଲାୟାଙ୍କ ପତ୍ନୀ ଏବଂ ୧୮ ବର୍ଷୀୟ ପୁଅ ମଧ୍ୟ ବାହାରକୁ ଆସି ଅଭିଯୁକ୍ତକୁ ଅଟକାଇବାକୁ ଚେଷ୍ଟା କରିଥିଲେ। କିନ୍ତୁ ସେ ପରିବାର ଲୋକଙ୍କୁ ଧକ୍କା ଦେଇ ନାଗମଲ୍ଲାୟାଙ୍କ ମୁଣ୍ଡ କାଟି ଦେଇଥିଲେ। ଭାରତୀୟଙ୍କ ମୁଣ୍ଡ କାଟିବା ପରେ ଗୋଇଠା ମାରିଥିଲା ଅଭିଯୁକ୍ତ। ହତ୍ୟା ସମୟର ଏକ ଭିଡିଓ ଭାଇରାଲ ହେଉଛି। ରକ୍ତ ଜୁଡୁବୁଡୁ ଅବସ୍ଥାରେ ମାରଣାସ୍ତ୍ର ଧରି ଡମ୍ପଷ୍ଟର ଅଞ୍ଚଳରୁ ବାହାରକୁ ଯାଉଥିବା ସମୟରେ ଅଭିଯୁକ୍ତକୁ ଗିରଫ କରାଯାଇଥିଲା। ନାଗାମଲ୍ଲାୟାଙ୍କ ମୃତ୍ୟୁ ପାଇଁ ଭାରତୀୟ କନସୁଲେଟ୍ ଶୋକ ପ୍ରକାଶ କରିଛି। ହତ୍ୟା ଅଭିଯୋଗରେ ଅଭିଯୁକ୍ତ କୋବୋସ୍ ମାର୍ଟିନେଜ୍ର ହ୍ୟୁଷ୍ଟନରେ ପୂର୍ବରୁ ଅପରାଧିକ ଇତିହାସ ଥିବା ଜଣାପଡ଼ିଛି। ଅଟୋ ଚୋରି ଏବଂ ଆକ୍ରମଣ ପାଇଁ ଅନେକ ଥର ଗିରଫ ହୋଇଛି।
