ଲାହୋର: ଟି-୨୦ ବିଶ୍ବକପ୍ ମ୍ୟାଚ୍ ପୂର୍ବରୁ ଭୟଭିତ ଅବସ୍ଥାରେ ଥିଲେ ଭାରତୀୟ ଖେଳାଳି । ଏକଥା କହିଛନ୍ତି ପାକିସ୍ତାନ ଟିମର ପୂର୍ବତନ ଅଧିନାୟକ ଇଞ୍ଜାମମ ଉଲ୍ଲ ହକ୍ । ଏକ ଟିଭି ଚ୍ୟାନେଲରେ ଇଞ୍ଜାମାମ କହିଛନ୍ତି, ‘ପାକିସ୍ତାନ ବିପକ୍ଷ ମୁକାବିଲାର ବହୁତ ଆଗରୁ ଭାରତୀୟ ଭାଳାଳି ମାନସିକ ଚାପ ଓ ଭୟଭିତ ଥିବା ପରି ଲାଗୁଥିଲା ।’
ସେ କହିଛନ୍ତି, ‘ପାକିସ୍ତାନଠାରୁ ହାରିବା ପରେ ଭାରତୀୟ ଟିମ ଉପରେ ଚାପ ଏତେ ବଢ଼ି ଯାଇଥିଲା ଯେ ନ୍ୟୁଜିଲାଣ୍ଡଠାରୁ ମଧ୍ୟ ହାରି ଯାଇଥିଲା ଓ ଭାରତ ଟି୨୦ ବିଶ୍ବକପ୍ ସେମିଫାଇନାଲରୁ ବାହାର ହୋଇଯାଇଥିଲା ।’
ସେ ଆହୁରି କହିଛନ୍ତି, ‘ଯଦି ଆପଣ ଦୁଇ ଟିମର ଅଧିନାୟକଙ୍କୁ ଟସ ପକାଇବା ସମୟର ବଡି ଲାଙ୍ଗୁଏଜ ଦେଖିବେ ଜାଣିପାରିବେ ବାବର ଆଜମଙ୍କ ତୁଳନାରେ ବିରାଟ କୋହଲି ବହୁତ ଭୟଭିତ ଓ ଚାପରେ ଥିବା ଜଣାପଡୁଥିଲେ । ପାକିସ୍ତାନ ଟିମର ବଡି ଲାଙ୍ଗୁଏଜ ଭାରତୀୟ ଟିମର ଖେଳାଳିଙ୍କଠାରୁ ବହୁତ ଭଲ ଥିଲା । ରୋହିତ ଶର୍ମା ଓ କେ ରାହୁଲଙ୍କ ଓ୍ବିକେଟ୍ ଶୀଘ୍ର ପଡ଼ିଯିବା ପରେ ଭାରତୀୟ ଟିମ ଆହୁରି ଅଧିକ ଚାପକୁ ଚାଲି ଆସିଥିଲା ।’
ଇଞ୍ଜାମମ ଭାରତୀୟ ଟିର ପ୍ରଦର୍ଶନକୁ ନେଇ ଆଶ୍ଚର୍ଯ୍ୟ ପ୍ରକାଶ କରିବା ସହ କହିଛନ୍ତି, ‘ଭାରତଠାରୁ ଆପଣ କେବେ ବି ଏମିତି କ୍ରିକେଟ ଆଶା କରିନଥିବେ ।’
ସୂଚନାଯୋଗ୍ୟ, ଏହି ମ୍ୟାଚରେ ପାକିସ୍ତାନ ୧୦ ଓ୍ବିକେଟରେ ଭାରତକୁ ହରାଇଥିଲା । ଭାରତ ଦେଇଥିବା ୧୫୨ ରନର ଲକ୍ଷ୍ୟକୁ ପାକିସ୍ତାନର ଦୁଇ ଓପନର ସହଜରେ ହାସଲ କରିନେିଥିଲେ ।
