ପିପିଲି: ପଞ୍ଚାୟତ ନିର୍ବାଚନ ସମୟରେ କଂଗ୍ରେସକୁ ବଡ଼ ଝଟକା। ପିପିଲି ନିର୍ବାଚନ ମଣ୍ଡଳୀ ଅଧୀନ ଡେଲାଙ୍ଗ ବ୍ଲକ ୧୫ ନମ୍ବର ଜୋନ କଂଗ୍ରେସ ଜିଲ୍ଲା ପରିଷଦ ପ୍ରାର୍ଥୀ ସୁକାନ୍ତି ସାହୁ ମତଦାନ ପୂର୍ବରୁ ବିଜେଡିରେ ମିଶିଲେ। କଂଗ୍ରେସ ତାଙ୍କୁ ଅସମ୍ମାନିତ କରିଥିବା ସେ କହିଛନ୍ତି। ନବୀନ ପଟ୍ଟନାୟକଙ୍କ କାମ ତାଙ୍କୁ ଭଲ ଲାଗିଲା ଏବଂ ବିଧାୟକ ରୁଦ୍ର ମହାରଥୀଙ୍କୁ ଭଲ ପାଉଥିବାରୁ ବିଜେଡିରେ ଯୋଗ ଦେଲେ। ଚଳିତ ପଂଚାୟତ ନିର୍ବାଚନରେ ସେ ବିଜେଡି ପ୍ରାର୍ଥୀଙ୍କ ପାଇଁ ପ୍ରଚାର କରିବେ। ହାତ ଯୋଡ଼ି ଲୋକଙ୍କୁ ଭୁଲ ମାଗି ବିଜେଡିକୁ ଭୋଟ ଦେବାକୁ ନିବେଦନ କରିବେ ସୁକାନ୍ତି। ସେହିପରି ଅନେକ ବିଜେପି କର୍ମୀ ବି ବିଜେଡିରେ ଯୋଗ ଦେଇଛନ୍ତି । ଆଗମୀ ଦିନରେ ଘରେ ଘରେ ଶଙ୍ଖ ରହିବ ବୋଲି ସେମାନେ କହିଛନ୍ତି। କାରଣ ବିକାଶ ନବୀନ ପଟ୍ଟନାୟକଙ୍କୁ ନେଇ ହିଁ ହୋଇପାରିବ ବୋଲି ସେମାନେ କହିଛନ୍ତି ।
