ଧୋନୀ ଓ କୋହଲି ସାବଧାନ: IPL ଓପନିଂ ମ୍ୟାଚ ଇତିହାସ ସହ ରହିଛି ବଡ଼ ଦୁର୍ଭାଗ୍ୟ

ନୂଆଦିଲ୍ଲୀ: ୨୨ ମାର୍ଚ୍ଚକୁ ଅପେକ୍ଷା । ଆରମ୍ଭ ହେବ IPL ମହାସମର । ପ୍ରଥମ ମ୍ୟାଚରେ ମୁହାଁମୁହିଁ ହେବେ ମହେନ୍ଦ୍ର ସିଂ ଧୋନୀଙ୍କ ଚେନ୍ନାଇ ସୁପରକିଙ୍ଗସ୍ ଏବଂ ବିରାଟ କୋହଲି ଷ୍ଟାରର ତଥା ଫାଫ ଡୁ ପ୍ଲେସିସ ନେତୃତ୍ବରେ ରୟାଲ ଚ୍ୟାଲେଞ୍ଜର ବେଙ୍ଗାଲୁରୁ । ଧୋନୀଙ୍କ ଚ୍ୟାଲେଞ୍ଜକୁ ଫେସ କରିବା କୋହଲିଙ୍କ  ଆରସିବି ପାଇଁ ହେବ ବଡ଼ ଚ୍ୟାଲେଞ୍ଜ । ଆଉ ସବୁଠାରୁ ବଡ଼ ଚ୍ୟାଲେଞ୍ଜ ହେବ ପ୍ରଥମ IPL ଟ୍ରଫି ଜିତିବା । ହେଲେ କୋହଲି ଓ ଡୁପ୍ଲେସିସଙ୍କ ଟିମ ପରାଜୟରୁ IPL ଆରମ୍ଭ କରିବାକୁ ଚାହିଁବେ ନାହିଁ । ବେଙ୍ଗାଲୁରୁ ୨୦୦୯, ୨୦୧୧ ଓ ୨୦୧୬ରେ ସବର୍ଶ୍ରେଷ୍ଠ ପ୍ରଦର୍ଶନ କରିବା ସହ ଫାଇନାଲକୁ ଯାଇଥିଲେ ବି ଟ୍ରଫି ଉଠାଇ ପାରିନି । ଆଉ ୨୦୨୪ IPL ଆରମ୍ଭ ହେବା ପୂର୍ବରୁ ସିଏସକେ ଓ ଆଣସିବି ପାଇଁ କିଛି ଆଶ୍ଚର୍ଯ୍ୟ କରିବା ଭଳି ପରିସଂଖ୍ୟନ ଆସୁଛି ।

କହି ରଖୁଛୁ, ୨୦୦୮ରୁ ବର୍ତ୍ତମାନ ପର୍ଯ୍ୟନ୍ତ ୧୬ଟି ସିଜିନ ଖେଳାଯାଇ ସାରିଛି । ଏଥିରୁ ମାତ୍ର ୫ ଥର ପ୍ରଥମ ମ୍ୟାଚ୍ ଖେଳିଥିବା ଟିମ ଚାମ୍ପିୟନ ହୋଇପାରିଛି । ଏଥିରୁ ସେହି ଟିମ୍ ୩ ଥର ଜିତିଛି ଯିଏ ପ୍ରଥମ ମ୍ୟାଚ ଜିତିଛି । ଅନ୍ୟପକ୍ଷେ ପ୍ରଥମ ମ୍ୟାଚ ହାରିଥିବା ଟିମ୍ ମାତ୍ର ଦୁଇଥର ଟ୍ରଫି ଜିତି ପାରିଛି । ଆଉ ଏହି ପରିସଂଖ୍ୟନ ଧୋନୀ ଏବଂ କୋହଲିଙ୍କ ସପକ୍ଷରେ ବହୁତ କମ ନଜର ଆସୁଛି । ଏମିତି ସ୍ଥଇତିରେ ଉଭୟଙ୍କୁ ଅଧିକ ସତର୍କ ହେବାକୁ ପଡିବ ।