IPLଫାଇନାଲରେ ଆଜି ମୁହାଁମୁହିଁ ହେବେ ଗୁଜରାଟ ଟାଇଟନ୍ସ-ରାଜସ୍ଥାନ ରୟାଲ୍ସ

ଅହମଦାବାଦ: ଆଜି ଆଇପିଏଲ ଫାଇନାଲ୍ ମ୍ୟାଚ୍ । ଟ୍ରଫି ପାଇଁ ହେବ ଟକ୍କର । ଅହମଦାବାଦରେ ସନ୍ଧ୍ୟା ୭ଟା ୩୦ରୁ ଆରମ୍ଭ ହେବ ମ୍ୟାଚ୍ । ମୁହାଁମୁହିଁ ହେବେ ଗୁଜରାଟ ଟାଇଟନ୍ସ ଏବଂ ରାଜସ୍ଥାନ ରୟାଲ୍ସ । ଦ୍ବିତୀୟ ଥର ପାଇଁ ଟ୍ରଫି ହାତେଇବା ଲକ୍ଷ୍ୟରେ ପଡ଼ିଆକୁ ଓହ୍ଲାଇବ ରାଜସ୍ଥାନ । ସେପଟେ ପ୍ରଥମଥର ପାଇଁ ଫାଇନାଲରେ ପ୍ରବେଶ କରିଥିବା ଗୁଜରାଟ ମଧ୍ୟ ମ୍ୟାଚ୍ ଜିତି ଟାଇଟଲ ହାତେଇବାକୁ ଉଦ୍ୟମ କରିବ ।

ପ୍ରଥମ କ୍ୱାଲିଫାୟାରରେ ରାଜସ୍ଥାନକୁ ହରାଇ ଫାଇନାଲରେ ପ୍ରବେଶ କରିଥିଲା ଗୁଜରାଟ । ଦ୍ୱିତୀୟ ସୁଯୋଗରେ ଦମଦାର ପ୍ରଦର୍ଶନ ସହିତ ଆରସିବିକୁ ପରାସ୍ତ କରି ଫାଇନାଲକୁ ଯାଇଛି ରାଜସ୍ଥାନ । ଉଭୟ ଟିମ୍ ମଧ୍ୟରେ ଆଜି ଦମଦାର ଲଢ଼େଇ ହେବ । ସେପଟେ ୨୦୧୮ ପରେ ଏଥର ହେବ ଉଦଯାପନୀ ସମାରୋହ । କରୋନା ଯୋଗୁ ଦୁଇବର୍ଷ ଧରି ଉଦଯାପନୀ ସମାରୋହ ବନ୍ଦ ରହିଥିଲା ।