କଟକ ଶିଶୁଭବନରେ ବିନା ଅସ୍ତ୍ରୋପଚାରରେ ବ୍ରୋଙ୍କୋସ୍କୋପି ପଦ୍ଧତିରେ ଏକ ଶିଶୁର ଶ୍ବାସ ନଳୀରୁ ଦେଢ ଇଞ୍ଚ ଲମ୍ବ ଏକ ଲୁହା କଣ୍ଟା ବାହାର କରାଯାଇଛି। ଯାଜପୁର ଜିଲ୍ଲାର କାଳିଆପାଣି ଅଂଚଳର ଏକ ୬ ବର୍ଷର ଶିଶୁ ଖେଳୁଥିବା ବେଳେ ରାସ୍ତାରେ ପଡିଥିବା ଏକ କଳଙ୍କି କଣ୍ଟା ଢୋକିଦେଇଥିଲା। ପରେ ବାରମ୍ବାର କାଶ ହେବାରୁ ତାକୁ ଶିଶୁଭବନରେ ଭର୍ତ୍ତି କରାଯାଇଥିଲା। ପରୀକ୍ଷାରୁ ଶ୍ବାସ ନଳୀରେ କଣ୍ଟା ଥିବା ଜଣାପଡିଥିଲା। ଫଳରେ ବ୍ରୋଙ୍କୋସ୍କୋପିର ସହାୟତାରେ କଣ୍ଟା କଢ଼ାଯାଇଛି। ଶିଶୁଟି ଏବେ ସୁସ୍ଥ ଅଛି।
