ଆଜି ସନ୍ଧ୍ୟା ସୁଦ୍ଧା ଟିକା ନ ଆସିଲେ ଶନିବାରଠାରୁ ବନ୍ଦ ହେବ ଟିକାକରଣ: ସ୍ୱାସ୍ଥ୍ୟମନ୍ତ୍ରୀ ନବ ଦାସ
1 min read
ଭୁବନେଶ୍ୱର: ଆଜି ସନ୍ଧ୍ୟା ସୁଦ୍ଧା ଟିକା ନ ଆସିଲେ ଶନିବାରଠାରୁ ବନ୍ଦ ହେବ ଟିକାକରଣ । କେନ୍ଦ୍ରକୁ ଚିଠି ପରେ ବି କୌଣସି ଉତ୍ତର ମିଲୁନଥିବାରୁ ଏପରି ପ୍ରତିକ୍ରିୟା ରଖିଛନ୍ତି ସ୍ୱାସ୍ଥ୍ୟମନ୍ତ୍ରୀ ନବ ଦାସ । ଗତକାଲି କେନ୍ଦ୍ରମନ୍ତ୍ରୀଙ୍କୁ ୨୫ ଲକ୍ଷ ଟିକା ପାଇଁ ସେ ଚିଠି ଲେଖିଛନ୍ତି । ପୂର୍ବର ACSବି ଚିଠି ଲେଖିଥିଲେ । ଦିନକୁ ୨.୫ ଲକ୍ଷ ଟୀକା ଦରକାର । ଓଡ଼ିଶାରେ ମାତ୍ର ୦.୫ ଟିକା ନଷ୍ଟ ହୋଇଛି ।
୧୦ ଦିନରେ ୨୫ ଲକ୍ଷ ଟିକା ଦେବାକୁ ଚିଠିରେ ଉଲ୍ଲେଖ କରାଯାଇଛି । ହେଲେ ଏ ଯାଏ ଟିକା ଆସିନି। ଆଜି ମୁଖ୍ୟମନ୍ତ୍ରୀ ଓ ପ୍ରଧାନମନ୍ତ୍ରୀଙ୍କ ଭିତରେ ଆଲୋଚନା ଅଛି । ଆଶା କରୁଛି ଯେ ମୁଖ୍ୟମନ୍ତ୍ରୀ ଟିକା ପାଇଁ ଦାବି କରିବେ। ପଡୋଶୀ ରାଜ୍ୟରୁ ଆସୁଥିବା ଲୋକଙ୍କ ଆରଟି-ପିସିଆର ଟେଷ୍ଟ ନେଇ ଖୁବଶୀଘ୍ର ନିଷ୍ପତ୍ତି ନିଆଯିବ ବୋଲି ମନ୍ତ୍ରୀ ନବ ଦାସ ସୂଚନା ଦେଇଛନ୍ତି । ୭ ଦିନ ସଂଗରୋଧର ବ୍ୟବସ୍ଥା ବି ହେବ । ପଶ୍ଚିମବଙ୍ଗ ଫେରନ୍ତାଙ୍କର ବି ପରୀକ୍ଷା କରାଯିବ । ଏଯାଏ ବିଶେଷ କଟକଣା ଜାରି ହୋଇନି । ସରକାରୀ ଓ ଘରୋଇ ହସ୍ପିଟାଲ ପ୍ରସ୍ତୁତ ରଖିବାକୁ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦିଆଯାଇଛି ।
