ବସ୍ ଚାପାରେ ଯୁବକଙ୍କ ମୃତ୍ୟୁ: ରାସ୍ତା ଅବରୋଧ କଲେ ଉତ୍ତ୍ୟକ୍ତ ଲୋକେ

ଜଗତସିଂହପୁର: ଯୋଗଧାରୀଠାରେ ଯୁବକଙ୍କୁ ଚାପି ଦେଲା ବସ୍  ।  ଘଟଣାସ୍ଥଳରେ ଯୁବକଙ୍କ ମୃତ  । ବସଟି ଅସ୍ତରଙ୍ଗରୁ ପାରାଦ୍ବୀପ ଯାଉଥିଲା ବେଳେ ଦୁର୍ଘଟଣା  । ଯୁବକଙ୍କ ମୃତ୍ୟୁକୁ ନେଇ ଯୋଗଧାରି ଠାରେ ଉତେଜନା ଦେଖାଦେଇଛି  । ଉତ୍ତ୍ୟକ୍ତ ଲୋକେ ଜଗତସିଂହପୁର- ବାଲିକୁଦା ରାସ୍ତାକୁ ଅବରୋଧ କରିଛନ୍ତି  । ଘଟଣାସ୍ଥଳରେ ପୋଲିସ୍ ପହଞ୍ଚି ବସକୁ ଅଟକ ରଖି ତଦନ୍ତ ଜାରି ରଖିଛି  । ଅପରପକ୍ଷରେ ରାସ୍ତା ଅବରୋଧ ଯୋଗୁଁ ଗାଡ଼ି ଚଳାଚଳ ବାଧାପ୍ରାପ୍ତ ହୋଇଛି  । ମିଳିଥିବା ସୂଚନା ମୁତାବକ ବସ୍‌ଟିକୁ ସ୍ଥାନୀୟ ଲୋକେ ଅଟକ ରଖିବା ସହ କ୍ଷତିପୂରଣ ଦାବି କରିଛନ୍ତି ମୃତକଙ୍କ ପରିବାର ।

ଅପରପକ୍ଷରେ ଲମତାପୁଟ ମାଛକୁଣ୍ଡ କାଡ଼ାମ୍ ନିକଟରେ ସଡ଼କ ଦୁର୍ଘଟଣା ଘଟିଛି । ପିକଅପ୍ ଭ୍ୟାନ୍ ଓଲଟି ୪ ଗୁରୁତର । ସମସ୍ତ ଗୁରୁତରଙ୍କୁ ବିଶାଖାପାଟଣା ସ୍ଥାନାନ୍ତର କରାଯାଇଛି । ମାଛକୁଣ୍ଡ ପୋଲିସ ଷ୍ଟେସନ କାଡାମ ନିକଟରେ ଭାରସାମ୍ୟ ହରାଇ ଓଲଟିପଡ଼ିଥିଲା ପିକଅପ୍ ଭ୍ୟାନ୍ । କୁହୁଡି ଯୋଗୁଁ ଭାରସାମ୍ୟ ହରାଇ ଓଲଟି ପଡିଥିଲା ପିକଅପ୍ । ଗାଡିରେ ମୋଟ ୯ଜଣ ଥିବାବେଳେ ସମସ୍ତେ ବିଶାଖାପାଟଣା ଅଞ୍ଚଳର । ସମସ୍ତେ ଝାରସୁଗୁଡା କୋଲମାଇନରେ କାମ କରିବାକୁ ଯାଉଥିବାବେଳେ ଦୁର୍ଘଟଣା ହୋଇଛି ।

ଏଥିସହିତ ପଢ଼ନ୍ତୁ: ସାରା ବିଶ୍ୱକୁ କବଳିତ କରିପାରେ କରୋନାର ୧.୧.୭ ଷ୍ଟ୍ରେନ୍: ୭୦ ପ୍ରତିଶତ ଅଧିକ ସଂକ୍ରମିତ ହୁଏ