ଅଘୋଷିତ ବିଦ୍ୟୁତ କାଟ, ରାଜରାସ୍ତାକୁ ଓହ୍ଲାଇଲେ ଉପଭୋକ୍ତା
ଯାଜପୁର: ଅଘୋଷିତ ବିଦ୍ୟୁତ କାଟକୁ ନେଇ ରାଜରାସ୍ତାକୁ ଓହ୍ଲାଇଲେ ଉପଭୋକ୍ତା। ଯାଜପୁର ଦଶରଥପୁର ବ୍ଳକ ଅସନପୁର ପଂଚାୟତ କଇଥପଡ଼ିଆ ଛକରେ ଯାଜପୁର ବିରିପଟା ମୁଖ୍ୟ ରାସ୍ତା ଅବରୋଧ କରିଛନ୍ତି ଉପଭୋକ୍ତା ।
ଏପରିକି ଚାରିଜଣ ଟାଟା ପାୱାର କର୍ମଚାରୀଙ୍କୁ ଅଟକ ରଖିଥିଲେ ବିରୋଧ ପ୍ରଦର୍ଶନକାରୀ । ସୂଚନା ମୁତାବକ ଯାଜପୁର ଦଶରଥପୁର ବ୍ଳକ ଅନ୍ତର୍ଗତ ଅସନପୁର ସମେତ ଛତ୍ରପଡ଼ା, ନନ୍ଦିପୁର ଆଦି ଅଞ୍ଚଳରେ ବିଦ୍ୟୁତ କାଟକୁ ନେଇ ଉପଭୋକ୍ତାଙ୍କ ମଧ୍ୟରେ ଘୋର ଅସନ୍ତୋଷ ଦେଖାଦେଇଛି । ଟାଟା ପାୱାରର ଖାମଖିଆଲି ମନୋଭାବ ଯୋଗୁ ଦିନକୁ ଘଣ୍ଟା ଘଣ୍ଟା ବିଦୂତ କାଟ ହେଉଛି ବୋଲି ଅଭିଯୋଗ କରିଛନ୍ତି ଗ୍ରାମବାସୀ ।
ଏହାର ପ୍ରତିବାଦ କରି ଉପଭୋକ୍ତା ମାନେ ରାଜରାସ୍ତାକୁ ଓହ୍ଲାଇ ଆନ୍ଦୋଳନ କରିଥିଲେ ।
