ଧୀରେ ଧୀରେ ଖସୁଛି ଜଳକା ନଦୀର ଜଳସ୍ତର। ଜଳକା ନଦୀର ଉପର ମୁଣ୍ଡରେ ଲଗାଣ ବର୍ଷା କାରଣରୁ ବିପଦ ସଙ୍କେତ ଅତିକ୍ରମ କରିଥିଲା। କିନ୍ତୁ ଗତକାଲିଠୁୁ ଏହି ନଦୀ ଧୀରେ ଧୀରେ କମୁଛି। ଉପରେ ମୁଣ୍ଡାରେ ବର୍ଷା ନ ଥିବାରୁ ଗାଁ ରୁ ପାଣି ଖସୁଛି। ବନ୍ୟା ସ୍ଥିତି ସୁଧାର ଆସିଛି। କିନ୍ତୁ ଜମି ରହିଛି ଚାଷ ଜମିରେ ପାଣି। ଯାହାକୁ ନେଇ ଚିନ୍ତା ରେ ଚାଷୀ। ଲଗାଣ ବର୍ଷା ଯୋଗୁଁ ବାଲେଶ୍ଵରର ବସ୍ତା ବ୍ଲକ ଓ ସଦର ବ୍ଲକର ଅନେକ ପଞ୍ଚାୟତରେ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା। ଅନେକ ଗାଁ ଜଳବନ୍ଦୀ ହୋଇଥିଲେ। ସେହିପରି ଭଦ୍ରକ ଜିଲ୍ଲାର ଚାନ୍ଦବାଲି ଓ ଧାମନଗର ବ୍ଲକରେ ମଧ୍ୟ ସ୍ଥିତିରେ ସୁଧାର ଆସିଛି। ବୈତରଣୀ ନଦୀର ପାଣି କମିଥିବାରୁ ଏହି ଗାଁରୁ ପାଣି ଛାଡ଼ିବାରେ ଲାଗିଛି। କିନ୍ତୁ ଲୋକଙ୍କ ଦୁର୍ଦ୍ଦଶା କମି ନାହିଁ। କାରଣ ବହୁ ଅଞ୍ଚଳ ଏବେ ବି ପାଣି ଘେରରେ ରହିଛି।
