ଟୋକୟୋ: ଜାପାନର ଜଣେ ବ୍ୟକ୍ତିଙ୍କ ଅଜବ କାରନାମା ପାଇଁ ସବୁଠି ଚର୍ଚ୍ଚାରେ। ୧୨ ଲକ୍ଷ ଟଙ୍କା ଖର୍ଚ୍ଚ କରି ଜାପାନର ଟୋକୋ ନାମକ ଯୁବକ କୁକୁର ବେଶ ଧାରଣ କରିଛନ୍ତି। @toco_eevee ନାମକ ଟ୍ୱିଟର ୟୁଜର୍ସ ଏକ ଭିଡ଼ିଓ ଶେୟାର କରିଛନ୍ତି । ଆଉ କ୍ୟାପସନରେ ଲେଖିଛନ୍ତି ‘ମୋ ଜୀବନର ସ୍ୱପ୍ନ ଥିଲା’। ଆଉ ଭିଡ଼ିଓ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହେବାରେ ଲାଗିଛି ।
ଜାପାନର ଗଣମାଧ୍ୟମ ମୁତାବିକ ଜେଟପେଟ୍ ନାମକ ଏକ କମ୍ପାନୀ କୁକୁର ବନିବା ଲାଗି ଟୋକୋଙ୍କୁ ସହଯୋଗ କରିଛନ୍ତି । ଏହି କମ୍ପାନୀ ଫିଲ୍ମ ଓ ବିଜ୍ଞାପନ ଲାଗି କଷ୍ଟ୍ୟୁମ ବନାଇବା କାମ କରିଥାଏ । କୁକୁର ଭଳି କଷ୍ଟ୍ୟୁମ୍ ବନାଇବା ଲାଗି କମ୍ପାନୀ ନେଇଛି ୨୦ ଲକ୍ଷ ୟେନ୍ । ଯାହାର ମୂଲ୍ୟ ଭାରତୀୟ ମୁଦ୍ରାରେ ୧୨ ଲକ୍ଷ ଟଙ୍କା । ଏହି ପୋଷାକ ବନାଇବା ଲାଗି ୪୦ ଦିନ ସମୟ ଲାଗିଥିଲା ।
着ぐるみをオーダーしてました！ おかげさまで動物になってみたいという夢を叶えることができました！ https://t.co/jUFxSWW6cl pic.twitter.com/zJIX8VcWfm
— トコ（Toco） (@toco_eevee) April 11, 2022
କୋଲି ବ୍ରିଡର କୁକୁର ରୂପ ନେଇଛନ୍ତି ଟୋକୋ। ଏନେଇ ସେ କହିଛନ୍ତି କୁକୁର ମୋର୍ ଖୁବ୍ ପସନ୍ଦ । କୋଲି ବ୍ରିଡ୍ ଏତେ ବଡ ଯେ ତା’ର କଷ୍ଟ୍ୟୁମ ମଧ୍ୟରେ ଜଣେ ମଣିଷ ଆରାମରେ ଫିଟ୍ ହୋଇପାରିବ ।
କଷ୍ଟ୍ୟୁମ ପିନ୍ଧିବା ପରେ ଆପଣ ହାତ ଗୋଡ ବି ହଲାଇ ପାରିବେ । କିନ୍ତୁ କିଛିଟା ପ୍ରତିବନ୍ଧକ ବି ରହିଛି ।
