ଚୈତ୍ର ମଙ୍ଗଳବାରରେ କାକଟପୁର ମା’ ମଙ୍ଗଳାଙ୍କ ପୀଠ ଚଳଚଞ୍ଚଳ, ଅନୁଷ୍ଠିତ ହେବ ନେତ୍ର ଉତ୍ସବ

ପୁରୀ: ଆଜି ଚୈତ୍ର ମାସର ପ୍ରଥମ ମଙ୍ଗଳବାର। ପୁରୀ ଜିଲ୍ଲା କାକଟପୁରର ଅଧିଷ୍ଠାତ୍ରୀ ଦେବୀ ମା ମଙ୍ଗଳାଙ୍କ ପୀଠ ଚଳଚଞ୍ଚଳ। ପ୍ରଥମ ପାଳି ଯାତ୍ରାରେ ମା’ଙ୍କ ପ୍ରସିଦ୍ଧ ନେତ୍ର ଉତ୍ସବ ଅନୁଷ୍ଠିତ ହେବ । ଆଜିର ଦିନରେ ମା ମଙ୍ଗଳା ପୂଣ୍ୟତୋୟା ପ୍ରାଚୀ ନଦୀରୁ ଆବିର୍ଭୂତ ହୋଇଥିଲେ ଓ ମା ମଙ୍ଗଳା ମନ୍ଦିରର ପ୍ରତିଷ୍ଠା କରାଯାଇଥିଲା । ତେଣୁ ଆଜିର ଦିନକୁ ବେଶ ଆନନ୍ଦ ଉଲ୍ଲାସର ସହ ଶ୍ରଦ୍ଘାଳୁ ମାନେ  ପାଳନ କରିଥାନ୍ତି । ପ୍ରତ୍ୟୁଷରେ ମାଙ୍କ ସ୍ନାନ ମାର୍ଜଣା,ସୂର୍ଯ୍ୟପୂଜା,ବଲ୍ଲଭ ପରେ ସାଧାରଣ ଦର୍ଶନ ହୋଇଥିଲା । ମଧ୍ୟାହ୍ନରେ ମାଙ୍କ ଆଜ୍ଞାମାଳ ନେଲା ପରେ ମାଙ୍କ ସେବକ ମାନେ ଛୁଆ,ହଳଦୀ ଓ ବିଶୁଦ୍ଧ ଜଳରେ ନୀଳ ଚକ୍ରକୁ ସ୍ନାନ କଲାପରେ ପୁରୁଣା ନେତ୍ରକୁ ପରିବର୍ତ୍ତନ କରି ନୂତନ ଶ୍ଵେତ ନେତ୍ର ବନ୍ଧା ହେବ । ମାଙ୍କ ଏହି ନେତ୍ର ଉତ୍ସବରେ ମା ସାରଳା ପୀଠରୁ ଆସିଥିବା ଘଣ୍ଟ ପାଟୁଆ ମାନେ ପ୍ରାଚୀ ନଦୀରୁ ପାଣି ତୋଳି ମାଙ୍କ ସମ୍ମୁଖରେ ଘଣ୍ଟ ପାଟୁଆ ନୃତ୍ୟ କରିବେ ମାସ ତମାମ ମାଙ୍କ ମହିମା ପ୍ରଚାର ପାଇଁ ବିଭିନ୍ନ ଗାଁ ଗଣ୍ଡାକୁ ଯାତ୍ରା ଆରମ୍ଭ କରବେ । ପ୍ରଥମ ମଙ୍ଗଳବାରରେ ମହିଳାମାନେ ପନ୍ଥେଇ ନିର୍ମାଣ କରି ମଙ୍ଗଳା ମାଙ୍କୁ ପୂଜାର୍ଚ୍ଚନା କରିଥାନ୍ତି।