କଟକ: ଉପାନ୍ତ ନୁହେଁ ଉପକୂଳରେ ଘଟିଛି ଏମିତି ଗଟଣା । ପୁରୁଣା ରାଜଧାନୀ ଅବା ଏବେର ରାଜଧାନୀର ପଡୋଶୀ ସହରରେ । ହଁ, କଟକ ଜିଲ୍ଲାରେ କଙ୍ଗାରୁକୋର୍ଟ । ରଙ୍ଗ୍ ନମ୍ବରରୁ ଗଢିଉଠିଥିବା ପ୍ରେମ ସମ୍ପର୍କ ଆଧାରରେ ଘର ଛାଡି ଚାଲିଯାଇଥିଲେ ନାବାଳିକା । ହେଲେ ପରିବାରକୁ ସମ୍ଭାଳିବାକୁ ପଡିଥିଲା ବାଛନ୍ଦ ହେବାର ବୋଝ । ଗାଁରୁ ବାଛନ୍ଦ ସହ ହୋଇଥିଲା ୫୦ହଜାର ଟଙ୍କାର ଜରିମାନା ଦଣ୍ଡ ।
ଦିନ ମଜୁରିଆ ହୋଇଥିବାରୁ କଷ୍ଟେ ମଷ୍ଟେ ୪୫ ହଜାର ଦେବାରେ ସକ୍ଷମ ହେଲେ ନାବାଳିକାଙ୍କ ପରିବାର । ଘଟଣା ଘଟିଛି କଟକ ଜିଲ୍ଲା ନରସିଂହପୁରରେ । ପ୍ରେମ ପାଇଁ ଘର ଛାଡିଥିବା ଯୁବତୀ ଓ ପ୍ରେମିକଙ୍କୁ ଚହଟା ନିକଟରୁ ଉଦ୍ଧାର କରି ଶିଶୁ ମଙ୍ଗଳ କମିଟି ବିଡନାସି ସ୍ଥିତ ବସୁନ୍ଧରାଗୃହରେ ରଖିଥିଲେ ।
ପରେ ଯୁବକଙ୍କୁ ଅଟକ ରଖିବା ସହ ଝିଅର ପରିବାର ଲୋକଙ୍କୁ ଏଭଳି ହଇରାଣ କରୁଥିବା ଗାଁ ଲୋକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ପାଇଁ ଅପିଲ କରାଯାଇଛି। ବର୍ତ୍ତମାନ ସମୟରେ ବି କଙ୍ଗାରୁ କୋର୍ଟ ନିହାତି ଭାବରେ ସମାଜ ପାଇଁ ଲଜ୍ୟାକର ବିଷୟ ବୋଲି ମତ ପ୍ରକାଶ ପାଇଛି ।
