କର୍ଣ୍ଣାଟକ: କର୍ଣ୍ଣାଟକରେ ଭାରତୀୟ ଜନତା ପାର୍ଟି ନେତା ସିଟି ରବିଙ୍କୁ ଗିରଫ କରାଯାଇଛି। ମହିଳା କର୍ମୀଙ୍କୁ ଅପମାନ କରିଥିବା ମାମଲାରେ ପୋଲିସ ତାଙ୍କୁ ଗିରଫ କରିଛି । ମହିଳା ଓ ଶିଶୁ ବିକାଶର କଂଗ୍ରେସ ମନ୍ତ୍ରୀ ଲକ୍ଷ୍ମୀ ହେବଲକରଙ୍କ ଉପରେ ଅଶ୍ଳିଳ ମନ୍ତବ୍ୟ ଦେଇଥିବା ଅଭିଯୋଗ ହୋଇଛି । ଏହି ମାମଲାରେ ତାଙ୍କୁ ଗିରଫ କରାଯାଇଥିଲା। ତାଙ୍କ ଗିରଫଦାରୀ ସମ୍ପର୍କରେ ସିଟି ରବି ଗୁରୁତର ଅଭିଯୋଗ ଆଣିଛନ୍ତି। ରବି କହିଛନ୍ତି ଯେ ରାତି ୮ ଟାରେ ପୋଲିସ ତାଙ୍କୁ ଖାନପୁରା ପୋଲିସ ଷ୍ଟେସନକୁ ନେଇଥିଲା। ଦିନକ ପୂର୍ବରୁ ବିଧାନ ପରିଷଦରେ କଂଗ୍ରେସ ନେତା ତଥା କର୍ଣ୍ଣାଟକ କ୍ୟାବିନେଟ ମନ୍ତ୍ରୀ ଲକ୍ଷ୍ମୀ ହେବବାଲକରଙ୍କ ବିରୋଧରେ ଅପମାନଜନକ ଶବ୍ଦ ବ୍ୟବହାର କରି ଏଫ୍ଆଇଆର୍ ପଞ୍ଜୀକୃତ ହୋଇଥିଲା ବୋଲି ପୋଲିସ କହିଛି। ତେବେ ରବିଙ୍କ ବିରୁଦ୍ଧରେ ହୋଇଥିବା ଅଭିଯାଗକୁ ଅସ୍ବୀକାର କରି ଏହାକୁ ମିଥ୍ୟା ବୋଲି ପ୍ରକାଶ କରି କହିଛନ୍ତି ମୁଁ ଏଭଳି କିଛି ଅପମାନ ଜନିତ ମନ୍ତବ୍ୟ ଦେଇନାହିଁ ଯାହାକୁ ନେଇ ମୋ ନାଁ ରେ ଅଭିଯୋଗ କରାଯାଇଛି । ଅନ୍ୟପଟେ କଂଗ୍ରେସ ନେତ୍ରୀ ଦେଇଥିବା ଅଭିଯାଗ ଆଧାରରେ କଂଗ୍ରେସ କର୍ମୀ ରବିଙ୍କ ବିରୁଦ୍ଧରେ ଦୃଢ କାର୍ଯ୍ୟନୁଷ୍ଠାନ ନିଆଯାଉ ବୋଲି କହି ବିକ୍ଷୋପ ପ୍ରଦର୍ଶନ କରିଛନ୍ତି ।
