ସତ୍ୟବାଦୀରେ ଓଡ଼ିଆ ବିଶ୍ବବିଦ୍ୟାଳୟରେ 5T ଅଧ୍ୟକ୍ଷ

ଭୁବନେଶ୍ବର: ଛୁଟିଦିନରେ ବି ବିଶ୍ରାମ ନାହିଁ । ସତ୍ୟବାଦୀରେ ଓଡ଼ିଆ ବିଶ୍ବବିଦ୍ୟାଳୟରେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ୍ । ବିଶ୍ବବିଦ୍ୟାଳୟରେ ଚାଲିଥିବା ପ୍ରଥମ ପର୍ଯ୍ୟାୟ କାମର କଲେ ସମୀକ୍ଷା । ଆସନ୍ତା ୧୫ ଜାନୁଆରୀ ଭିତରେ କାମ ସାରିବାକୁ ନିର୍ଦ୍ଦେଶ ଦେଇଛନ୍ତି । ୮.୬ ଏକର ଜାଗାରେ ପ୍ରଥମ ପର୍ଯ୍ୟାୟ କାମ ଚାଲିଛି । ଏଥିରେ ୨୦୦ ପିଲାଙ୍କ ଅଧ୍ୟୟନ ପାଇଁ ବ୍ୟବସ୍ଥା ରହିଛି  । ଗୋଟିଏ ଛାତ୍ର ଓ ଗୋଟିଏ ଛାତ୍ରୀ ହଷ୍ଟେଲ କାମ ଚାଲିଛି । ଏଥିରେ ୩୨ ଜଣ ଲେଖାଏଁ ପିଲା ରହିପାରିବେ । ଲାଇବ୍ରେରୀ, କାଫେଟେରିଆ, ଆଡମିନ୍ ବ୍ଲକ ମଧ୍ୟ ରହିଛି  । କ୍ୟାମ୍ପସରେ ଚାଲିଥିବା ରାସ୍ତା କାମର ମଧ୍ୟ ସମୀକ୍ଷା କରିଛନ୍ତି କାର୍ତ୍ତିକ ପାଣ୍ଡିଆନ । ଓଡ଼ିଆ ବିଶ୍ବବିଦ୍ୟାଳୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ସ୍ବପ୍ନର ପ୍ରୋଜେକ୍ଟ । ସତ୍ୟବାଦୀ ବନ ବିଦ୍ୟାଳୟ ନିକଟରେ ନିର୍ମାଣ କରାଯାଉଛି । ଆସନ୍ତା ଜାନୁଆରୀ ମାସ ଶେଷ ଆଡ଼କୁ ମୁଖ୍ୟମନ୍ତ୍ରୀ ଏହାର ଉଦଘାଟନ କରିବେ । ଓଡ଼ିଆ ଭାଷାର ଗବେଷଣା ପାଇଁ ଏହି ବିଶ୍ବବିଦ୍ୟାଳୟ ଏକ ଉକ୍ତୃଷ୍ଟ ସ୍ଥାନ ହେବାକୁ ଯାଉଛି ।