ସାଇକେଲରେ ଆସି ଭୋଟ୍ ଦେଲେ ମୁଖ୍ୟମନ୍ତ୍ରୀ

ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ସାଇକେଲରେ ଆସି କର୍ଣ୍ଣଲର ଏକ ବୁଥରେ ମତାଧିକାର ସାବ୍ୟସ୍ତ କରିଛନ୍ତି । ଭୋଟ୍ ଦେବାକୁ ଖଟ୍ଟର ଶତାବ୍ଦୀ ଏକ୍ସପ୍ରେସରେ ଚଣ୍ଡିଗଡ଼ରୁ କର୍ଣ୍ଣଲ ଆସିଥିଲେ । ସେଠାରୁ ସାଇକେଲ ଯୋଗେ କର୍ଣ୍ଣଲର ଏକ ବୁଥକୁ ଆସି ଗଣତନ୍ତ୍ରର ମହାପର୍ବରେ ସାମିଲ ହୋଇ ମତଦାନ କରିଛନ୍ତି । ନିଜେ ଭୋଟ୍ ଦେବା ସହ ମତଦାନ କରିବାକୁ ସମସ୍ତଙ୍କୁ ଅନୁରୋଧ କରିଛନ୍ତି । ଆପଣଙ୍କ ଗୋଟିଏ ଭୋଟ୍ ଗଣତନ୍ତ୍ରକୁ ଆହୁରି ଶକ୍ତିଶାଳୀ କରିବ ବୋଲି ଭୋଟ୍ ଦେବା ପରେ ଖଟ୍ଟର କହିଛନ୍ତି । କର୍ଣ୍ଣଲ ସିଟରୁ ମନୋହର ଖଟ୍ଟର ଦ୍ଵିତୀୟ ଥର ପାଇଁ ନିର୍ବାଚନ ଲଢୁଛନ୍ତି । ୨୦୧୪ରେ ସେ ୬୦ ହଜାରରୁ ଅଧିକ ଭୋଟ୍ ବ୍ୟବଧାନରେ ବିଜୟୀ ହୋଇ ମୁଖ୍ୟମନ୍ତ୍ରୀ ହୋଇଥିଲେ । ଚଳିତଥର ଖଟ୍ଟରଙ୍କ ବିରୋଧରେ କଂଗ୍ରେସ ପକ୍ଷରୁ ତ୍ରିଲୋଚନ ସିଂ ନିର୍ବାଚନ ଲଢ଼ୁଛନ୍ତି । ୯୦ ଆସନ ବିଶିଷ୍ଟ ହରିୟାଣା ବିଧାନସଭା ପାଇଁ ସନ୍ଧ୍ୟା ୬ଟା ଯାଏ ମତଦାନ ଚାଲିବ । ')}