ଭୁବନେଶ୍ୱର: ଭୁବନେଶ୍ୱରରେ କିଡ୍ନୀ ଦେବା ନାଁରେ ଠକେଇ ମାମଲା। ଆଜି ଅଭିଯୁକ୍ତ ହିମାଂଶୁ ନନ୍ଦଙ୍କୁ ୩ ଦିନିଆ ରିମାଣ୍ଡରେ ନେବ ନୟାପଲ୍ଲୀ ଥାନା ପୋଲିସ। ୩ ଦିନ ରିମାଣ୍ଡରେ ନେବାକୁ ଭୁବନେଶ୍ୱର ଏସଡିଜେଏମ କୋର୍ଟ ଅନୁମତି ପ୍ରଦାନ କରିଛନ୍ତି। ରିମାଣ୍ଡ ସମୟରେ ରାକେଟ ପଛରେ କିଏ କିଏ ଅଛନ୍ତି, କିଡ୍ନୀ ରାକେଟର ଚେର କେତେ ବାଟ ଲମ୍ବିଛି। ଏନେଇ ଅଧିକ ଖୋଳତାଡ କରିବ ପୋଲିସ। ଭୁବନେଶ୍ୱର ନୟାପଲ୍ଲୀରେ ୫ଲକ୍ଷ ୫୦ ହଜାର, ଲକ୍ଷ୍ମୀସାଗରରେ ୩ଲକ୍ଷ ୧୯ ହଜାର ଓ ମଞ୍ଚେଶ୍ୱରରେ ୧୮ ଲକ୍ଷ ୫୩ ହଜାର ଟଙ୍କା ଠକେଇ ନେଇ ଅଭିଯୋଗ ହୋଇଛି।
ହିମାଂଶୁ କିଡନୀ ପ୍ରତିରୋପଣ ପାଇଁ ଘରୋଇ ହସପିଟାଲ ଡାକ୍ତର ଓ ଡୋନରଙ୍କ ପାଇଁ କିଛି ପିଲାଙ୍କ ଲିଙ୍କରେ ଥିବା ପୋଲିସ ସନ୍ଦେହ କରୁଛି। କିଡନୀ ପ୍ରତିରୋପଣ ପାଇଁ ସ୍ୱତନ୍ତ୍ର ଗାଇଡ ଲାଇନ ରହିଛି। ଡିଏମଇଟିଙ୍କ ବିନା ଅନୁମତିରେ କିଡନୀ ପ୍ରତିରୋପଣ ହୁଏନାହିଁ। ହେଲେ ଏଠି ସରକାରଙ୍କ ନିୟମକଙ୍କୁ ଉଲ୍ଲଂଘନକରି ଲୋକଙ୍କଠାରୁ ଟଙ୍କା ଲୁଟୁଥିଲା ହିମାଂଶୁ। ଏହା ସହ ତାର ସମ୍ପତ୍ତିକୁ ମଧ୍ୟ ଆଟାଚ କରିବ ପୋଲିସ। ତଦନ୍ତ ବେଳେ ୱାନ ମ୍ୟାନ ଆର୍ମି ଭଳି ଠକେଇ କରୁଥିବା ଡିସିପି ସୂଚନା ଦେଇଛନ୍ତି। ଯିଏ ବି କିଡନୀ ଦେବାକୁ କହୁଛି ସେ ଲୋକଙ୍କଠାରୁ ସତର୍କ ରୁହନ୍ତୁ। ଯିଏ ବି ଠକେଇ ଶିକାର ହୋଇଛନ୍ତି ଥାନାରେ ଅଭିଯୋଗ କରନ୍ତୁ ବୋଲି ଡିସିପି ଅପିଲ କରିଛନ୍ତି।
