ଆଜି ଆଇପିଏଲ ଫାଇନାଲ ଟକ୍କର, କିଏ ହାତେଇବ ଟ୍ରଫି…

ନୂଆଦିଲ୍ଲୀ: ଆଜି ଆଇପିଏଲ ଫାଇନାଲ ଟକ୍କର। ଇଣ୍ଡିଆନ ପ୍ରିମିୟର ଲିଗର ୧୭ ତମ ସଂସ୍କରଣରେ ଖେଳାଯିବ ଫାଇନାଲ ମୁକାବିଲା। କୋଲକାତା ନାଇଟ ରାଇଡର୍ସ ସହ ହେବ ସନରାଇଜର୍ସ ହାଇଦ୍ରାବାଦର କଡ଼ା ଟକ୍କର। କପ ଜିତିବାକୁ ଉଭୟ ଦୁଇ ଦଳ ମଧ୍ୟରେ ହେବ କଡ଼ା ସଂଘର୍ଷ।କିଏ ଜିତିବ କପ୍ ଏହାକୁ ନେଇ ପ୍ରଶଂସକ ମଧ୍ୟ ବେଶ ଉତ୍ସାହିତ।

ତୃତୀୟ ଥର ଲାଗି ଟ୍ରଫି ଉଠାଇବାକୁ ଲକ୍ଷ୍ୟ ରଖିଛି କୋଲକାତା ନାଇଟ ରାଇଡର୍ସ। ସେପଟେ ଦ୍ଵିତୀୟ ଥର ଲାଗି ଆଇପିଏଲ ଟ୍ରଫି ଜିତିବା ଲକ୍ଷ୍ୟରେ ରହିଛି ସନରାଇଜର୍ସ ହାଇଦ୍ରାବାଦ। ଉଭୟଙ୍କ ମଧ୍ୟରେ ୨୭ ମ୍ୟାଚ୍ ହୋଇଥିବାବେଳେ କୋଲକାତା ନାଇଟ ରାଇଡର୍ସ ୧୮ଟି ମ୍ଯାଚ୍ ଜିତିଛଟି। ସେପଟେ ହାଇଦ୍ରାବାଦ ୯ଟି ମ୍ଯାଚ୍ ଜିତିଛି। ହାଇଦ୍ରାବାଦ ବିରୋଧରେ କୋଲକାତା ସର୍ବାଧିକ ୨୦୮ ରନ ସଂଗ୍ରହ କରିବା ରେକର୍ଡ ରହିଛି।

ଅନ୍ଯପଟେ ହାଇଦ୍ରାବାଦ କୋଲକାତା ବିରୋଧରେ ସର୍ବାଧିକ ୨୨୮ ରନ କରିବା ରେକର୍ଡ ରହିଛି। ଚଳିତ ସିଜନରେ ହାଇଦ୍ରାବାଦ ସହ କୋଲକାତାର ଦୁଇଟି ମ୍ଯାଚ୍ ହୋଇଛି। ଉଭୟ ମ୍ଯାଚରେ ହାରିଛି ହାଇଦ୍ରାବାଦ।