ବାରହା ଶିକାର ପାଇଁ ବିଛା ଯାଇଥିବା ତାରରେ ଛନ୍ଦି ହୋଇ କଲରାପତରିଆର ମୃତ୍ୟୁ

ଆଠଗଡ଼: ଆଠଗଡ଼ରେ ବାଘ ଶିକାର । ବାରହା ପାଇଁ ପଡ଼ିଥିବା ଫାସରେ ପଡ଼ି କଲରାପତରିଆ ବାଘର ମୃତ୍ୟୁ ହୋଇଛି । ଆଠଗଡ଼ ବନଖଣ୍ଡ ତିଗିରିଆ ବନାଞ୍ଚଳ ଭିରୁଡ଼ା ସୋରିଷ ପାଳ ପାହାଡ଼ ନିକଟରୁ ମିଳିଛି କଲରାପତରିଆ ବାଘର ମୃତଦେହ । ବାରହା ଶିକାର ପାଇଁ ବିଛା ଯାଇଥିବା ତାରରେ ଛନ୍ଦି ହୋଇ ବାଘର ମୃତ୍ୟୁ ହୋଇଥିବା ଜଣାପଡ଼ିଛି ।

ପୂର୍ବରୁ ଏ ଅଞ୍ଚଳରେ ବାରମ୍ବାର ଜଙ୍ଗଲି ଜନ୍ତୁ ଶିକାର କରା ଯାଉଥିବା ଅଭିଯୋଗ ହେଉଥିଲେ ମଧ୍ୟ ବନ ବିଭାଗ ପକ୍ଷରୁ କୌଣସି ପଦକ୍ଷେପ ନିଆ ଯାଉନଥିବା ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି । ହରିଣ, ସମ୍ବର, ବାରହା ଏବଂ ଅନେକ ଜଙ୍ଗଲି ଜନ୍ତୁଙ୍କୁ ବିଦ୍ୟୁତ୍ ତାର ଏବଂ ବୋମା ଜରିଆରେ ଶିକାର କରି ଖୁଲମଖୁଲା ଭାବେ ବାହାରକୁ ଚାଲାଣ କରାଯାଉଥିବା ଅଭିଯୋଗ ହୋଇ ଆସୁଛି ।