ନନ୍ଦିଘୋଷ ବ୍ୟୁରୋ: ସରକାର କହୁଛନ୍ତି ଚାଷୀନଙ୍କ ଠାରୁ ମଣ୍ଡି ମାଧ୍ୟମରେ ଧାନ ସଂଗ୍ରହ କରାଯାଉଛି। କିନ୍ତୁ ବାସ୍ତବ ଚିତ୍ର ପୂରା ଅଲଗା। ଅସଲରେ କିପରି ଧାନ ସଂଗ୍ରହ ହେଉଛି, ତାର ଅସଲ ଚିତ୍ର ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲ୍ଲା ମହାକାଳପଡା ବ୍ଲକର ରାଜଗଡ ଅଞ୍ଚଳରେ। ଅଳାଇଲୋ ସେବା ସମବାୟ ସମିତି ରାଜଗଡ଼ର ସମ୍ପାଦକ ଥରେ ମଣ୍ଡି ଖୋଲିଥିଲେ । ହେଲେ ପରେ ଚାଷୀଙ୍କୁ ସିଧାସଳଖ ମିଲକୁ ଧାନ ନେବା ପାଇଁ କହୁଛନ୍ତି ବୋଲି ଚାଷୀ ଅଭିଯୋଗ କରିଛନ୍ତି । ସମ୍ପାଦକ ଯାହାକୁ ଚାହିଁବେ ତାର ଧାନ ଉଠୁଛି ଏବଂ ଯାହାକୁ ନ ଚାହିଁବେ ତାର ଧାନ ଉଠିବ ନାହିଁ । ଯାହାର ଜମି ନାହିଁ ସେ ଟୋକନ ପାଇଛନ୍ତି। ସମ୍ପାଦକଙ୍କ କଥାରେ ଟ୍ରାକ୍ଟରରେ ୩୫ କୁଇଣ୍ଟାଲ ଧାନ ନେଇ ମିଲକୁ ଯାଇଥିଲ ଜଣେ ଚାଷୀ। କିନ୍ତୁ ୮ ଦିନ ବିତିଥିଲେ ମଧ୍ଯ ଧାନ ମିଲକୁ ଧାନ ଯାଇ ପାରିଲାନାହିଁ। ଯାହାକୁ ନେଇ ଚାଷୀ ଧାନ ଲଦାଯାଇଥିବା ଟ୍ରାକ୍ଟରକୁ ନେଇ ଅଳାଇଲୋ ସେବା ସମବାୟ ସମିତି ରାଜଗଡ଼ କାର୍ଯ୍ଯାଳୟ ଆଗରେ ପ୍ରତିବାଦ କରିଛନ୍ତି।
