ନନ୍ଦିଘୋଷ ବ୍ୟୁରୋ: ନିର୍ଯାତନାର ଜବାବ ଜିହାଦରେ। ଜମାଏତ ଉଲେମା-ଇ-ହିନ୍ଦ ସଭାପତି ମହମ୍ମଦ ମଦାନିଙ୍କ ଏହି ଘୋଷଣା ଜାତୀୟ ସ୍ତରରେ ବିବାଦ ସୃଷ୍ଟି କରିଛି। ଏହା ସହ ସଂଖ୍ୟାଲଘୁଙ୍କ ଅଧିକାର ପ୍ରସଙ୍ଗରେ ବିଚାର ବିଭାଗ ଓ ସରକାରଙ୍କୁ ସମାଲୋଚନା କରିଛନ୍ତି ମଦାନି। ମଦାନିଙ୍କ ଏହି ମନ୍ତବ୍ୟକୁ ବିରୋଧ କରିଛି ବିଜେପି। ସାମ୍ବିଧାନିକ ପ୍ରତିଷ୍ଠାନଗୁଡିକ ପ୍ରତି ସେ ଚାଲେଞ୍ଜ ସୃଷ୍ଟି କରୁଛନ୍ତି ବୋଲି କହିଛି ବିଜେପି। ମଦାନି କହିଛନ୍ତି ବାବ୍ରି ମସଜିଦ ଓ ଟ୍ରିପଲ ତଲାକ ପ୍ରସଙ୍ଗରେ ସରକାରଙ୍କ ଚାପ ଅନୁସାରେ ବିଚାର ବିଭାଗ କାର୍ଯ୍ଯ କରୁଛି। କିଛି ବର୍ଷ ମଧ୍ୟରେ ଅନେକ ନ୍ୟାୟିକ ବିଚାର ହୋଇଛି ଯେଉଁଥିରେ ସଂଖ୍ୟାଲଘୁଙ୍କ ଅଧିକାର କ୍ଷୁଣ୍ଣ ହୋଇଛି। ନିଜ ଭାଷଣରେ ସେ ଏପରିକି ସୁପ୍ରିମକୋର୍ଟଙ୍କୁ ବି ସମାଲୋଚନା କରିଥିଲେ। ନିଜ ବକ୍ତବ୍ୟରେ ସେ ଜିହାଦକୁ ପ୍ରଶଂସା କରିବା ସହ ଏହାର ଭାବାର୍ଥକୁ ଭାରତୀୟ ଗଣମାଧ୍ୟମ ଓ ସରକାର କଦର୍ଥ କରୁଛନ୍ତି ବୋଲି ସେ କହିଛନ୍ତି। ଲଭ ଜିହାଦ, ସ୍ପିଟ ଜିହାଦ ଓ ଲ୍ୟାଣ୍ଡ ଜିହାଦ କ୍ଷେତ୍ରରେ ଯେପରି ଭାବେ ଜିହାଦ ଶବ୍ଦର ଅପବ୍ୟବହାର କରାଯାଉଛି ତାହାକୁ ସେ ସମାଲୋଚନା କରିଛନ୍ତି। ଜିହାଦ ସର୍ବତା ପବିତ୍ର ବୋଲି କହିଛନ୍ତି ମଦାନି।
