ଭେଣ୍ଟିଲେଟରରେ ଭର୍ତ୍ତି ହେଲେ ମଲୟାଲାମ ଅଭିନେତା ଶ୍ରୀନିବାସନ
ଭେଣ୍ଟିଲେଟରରେ ଭର୍ତ୍ତି ହେଲେ ମଲୟାଲାମ ଅଭିନେତା ଶ୍ରୀନିବାସନ । ତେବେ ଗତ ମାର୍ଚ୍ଚ ୩୧ରେ କାର୍ଡ଼ିଆକ୍ ଆରେଷ୍ଟର ଶିକାର ହେବାପରେ ତାଙ୍କର ବାଇପାସ୍ ସର୍ଜରୀ କରାଯାଇଥିଲା ଏବଂ ବୁଧବାର ତାଙ୍କୁ ଭେଣ୍ଟିଲେଟରରେ ଭର୍ତ୍ତି କରାଯାଇଛି । ଶ୍ରୀନିବାସନ ହେଉଛନ୍ତି ଦକ୍ଷିଣ ଭାରତୀୟ ସିନେମାର ଜଣେ ପ୍ରସିଦ୍ଧ ଅଭିନେତା ଏବଂ ପ୍ରଯୋଜକ ।
ରିପୋର୍ଟ ଅନୁସାରେ ଗତ ମାର୍ଚ୍ଚ ୩୧ରେ ଛାତିରେ ଯନ୍ତ୍ରଣା ଅନୁଭବ ହେବାରୁ ଶ୍ରୀନିବାସନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଏଞ୍ଜିଓଗ୍ରାମ ପରୀକ୍ଷାରେ ୬୬ ବର୍ଷୀୟ ଶ୍ରୀନିବାସନ ଟ୍ରିପଲ ଭେସେଲ ରୋଗରେ ପିଡ଼ିତ ଥିବା ଜଣା ପଡ଼ିଥିଲା । ଯାହାପରେ ତାଙ୍କର ବାଇପାସ ସର୍ଜରୀ କରାଯାଇଥିଲା । ଏହି ସର୍ଜରୀ ପରେ ତାଙ୍କୁ ତିନିଦିନ ପାଇଁ ଭେଣ୍ଟିଲେଟରକୁ ସ୍ଥାନାନ୍ତରିତ କରାଯାଇଛି । ଶ୍ରୀନିବାସନଙ୍କୁ ଭେଣ୍ଟିଲେଟରରୁ ବାହାରକୁ ଆଣିବା ପରେ ଏକ ସଂକ୍ରମଣ କାରଣରୁ ପୁଣିଥରେ ତାଙ୍କୁ ଭେଣ୍ଟିଲେଟରକୁ ସ୍ଥାନାନ୍ତରିତ କରାଯାଇଛି ବୋଲି ତାଙ୍କ ସମ୍ପର୍କୀୟ କହିଛନ୍ତି ।
ଏହି ଖବର ପ୍ରସାରିତ ହେବା ପରେ ସୋସିଆଲ ମିଡିଆରେ ତାଙ୍କ ପ୍ରଶଂସକ ମାନେ ‘ଗେଟ ୱେଲ ସୁନ’ ମେସେଜ ଲେଖିବା ସହ ତାଙ୍କର ଆଶୁ ଆରୋଗ୍ୟ ପାଇଁ ପ୍ରାର୍ଥନା କରିଛନ୍ତି।
ସୂଚନାଯୋଗ୍ୟ ୧୯୮୪ମସିହାରେ ମୁକ୍ତିଲାଭ କରିଥିବା ଫିଲ୍ମ ‘ଫ୍ଲିକ ଓଡାରୁଥମ୍ମାବା ଆଲାରିୟମ’,୧୯୮୬ ରେ ହୋଇଥିବା ଫିଲ୍ମ ‘ସନମାନସୁଲ୍ଲାବରସ୍କୁ ସମାଧାନମ ଗାନ୍ଧିନଗର ୨ ଷ୍ଟ୍ରିଟ’ ଓ ‘ନାଡୋଦିକାଟ୍ଟୁ’ ଭଳି ଅନେକ ଚଳଚ୍ଚିତ୍ରରେ ସେ ସଂଳାପ ରଚନା କରିଛନ୍ତି। ୨୦୧୮ରେ ରିଲିଜ ହୋଇଥିବା ତାଙ୍କର ଫିଲ୍ମ ନଜମ ପ୍ରକାଶନ ବହୁତ ଲୋକପ୍ରିୟ ହୋଇଥିଲା। ଏହି ଫିଲ୍ମଟି ବର୍ତ୍ତମାନ ସୁଦ୍ଧା ସବୁ ସର୍ବାଧିକ ରୋଜଗାର କରିଥିବା ମାଲାୟାଲାମ ଫିଲ୍ମ ବୋଲି ଜଣାପଡ଼ିଛି ।
