ବାଣ ଭିଡୁଥିବାବେଳେ ବିସ୍ଫୋରଣ, ଯୁବକ ମୃତ

ଗଞ୍ଜାମ: ଖଲ୍ଲିକୋଟରେ ଅଭାବନୀୟ ଘଟଣା। ବାଣ ଭିଡୁଥିବା ବେଳେ ବିସ୍ଫୋରଣ ଘଟି ଜଣେ ଯୁବକଙ୍କ ମୃତ୍ୟୁ ହୋଇଛି । ଗୋବିନ୍ଦ ନଗର ଗାଁରେ ଘଟିଛି ଏହି ଘଟଣା। ମୃତକ ଜଣକ ହେଲେ ଜିତେନ୍ଦ୍ର ପ୍ରଧାନ । ସୂଚନା ଅନୁଯାୟୀ ମହାଭାରତ ନାଟକ ପାଇଁ  ପ୍ରସ୍ତୁତି ଚାଲିଥିଲା ବେଳେ ଘର ଛାତରେ ଯୁବକ ବାଣ ଭିଡୁଥିଲେ। ତେବେ ଏହି ସମୟରେ ହଠାତ୍ ବାଣ ବିସ୍ଫୋରଣ ହେବାରୁ ଘଟଣାସ୍ଥଳରେ ଯୁବକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି ।