ନୂଆଦିଲ୍ଲୀ : ଅଷ୍ଟ୍ରେଲୀୟ ଅଲରାଉଣ୍ଡର ମିଚେଲ ମାର୍ଶଙ୍କ ନାଁରେ ଥାନାରେ ଏତଲା। ବିଶ୍ୱକପ୍ ଟ୍ରଫିକୁ ଅସମ୍ମାନ ଦେଖି ପୋଲିସ ଷ୍ଟେସନରେ ମାର୍ଶଙ୍କ ବିରୋଧରେ ଲିଖିତ ଅଭିଯୋଗ ।
ଇଣ୍ଟରନେଟରେ ମିଚେଲ ମାର୍ଶଙ୍କ ଏକ ଫଟୋ ଭାଇରାଲ ହେଉଛି। ଯେଉଁଥିରେ ଦେଖିବାକୁ ମିଳିଛି ମାର୍ଶଙ୍କ ହାତରେ ବିୟର ତାଙ୍କ ପାଦ ତଳେ ବିଶ୍ୱକପ ଟ୍ରଫି। ଏନେଇ ଆଲିଗଡରେ ଆରଟିଆଇ କାର୍ଯ୍ୟକର୍ତ୍ତା ପଣ୍ଡିତ କେଶବ ପୋଲିସ ଷ୍ଟେସନରେ ଅଭିଯୋଗ କରିଛନ୍ତି।
ଯେଉଁଥିରେ ସେ ଅଭିଯୋଗ କରିଛନ୍ତି ଯେ, ମିଚେଲ ମାର୍ଶ ଟ୍ରଫି ଉପରେ ପାଦ ଥୋଇ ଅପମାନିତ କରିଛନ୍ତି। ଏହା ଦେଶର ୧୪୦ କୋଟି ଲୋକଙ୍କ ସମ୍ମାନକୁ କ୍ଷତି ପହଞ୍ଚାଇଛି। ସେ ଦିଲ୍ଲୀ ଗେଟ୍ ପୋଲିସ ଷ୍ଟେସନରେ ମିସେଲ ମାର୍ଶଙ୍କ ବିରୋଧରେ ଅଭିଯୋଗ ଆଣି ଏକ ମାମଲା ରୁଜୁ କରିବାକୁ ଦାବି କରିଥିଲେ। ଏହାସହ ଭାରତ ସହ ତାଙ୍କ ମ୍ୟାଚ୍ ଉପରେ ଆଜୀବନ ପ୍ରତିବନ୍ଧକ ଲଗାଇବାକୁ ମଧ୍ୟ ଦାବି କରିଛନ୍ତି।
