ମୟୁରଭଞ୍ଜ : ଶିଶୁପୁତ୍ରକୁ ୬୦ ହଜାରରେ ବିକି ବାଇକ୍ କିଣିଲା ବାପାବାପା ସାଜିଲା ସଇତାନ । ନିଜ ଖୁସୀ ପାଇଁ କିଛି ପଇସାରେ ବିକିଦେଲା ପୁଅକୁ । ସବୁ ବାପାଙ୍କ ପାଇଁ ପୁଅ ଆଶାବାଡି ସାଜିଥିବା ବେଳେ ଏ ବାପା ପାଇଁ ତା ପୁଅ ମୂଲ୍ୟହୀନ । ଆଜ୍ଞା ହଁ ନିଜର ମଉଜମଜଲିସ ପାଇଁ ବାପା ତା ଶିଶୁ ପୁତ୍ରକୁ ବିକିବାକୁ ପଛେଇଲା ନାହିଁ । ୬୦ହଜାରରେ ନିଜ ଶିଶୁପତ୍ରକୁ ବିକି ବାପା ଜଣକ ଏକ ବାଇକ କିଣିଛନ୍ତି । ଏଭଳି ଅଭାବନୀୟ ଘଟଣା ଘଟିଛି ବସ୍ତା ଥାନା ହଦମୌଦ ଗାଁରେ । ଶାନ୍ତି ବେହେରା ୩ ବର୍ଷ ପୂର୍ବେ ମୟୁରଭଂଜ ରାସଗୋବିନ୍ଦପୁର ପୋଡ଼ାପୋଡ଼ା ଗାଁର ଧର୍ମୁ ବେହେରାଙ୍କୁ ଦ୍ବିତୀୟ ବିବାହ କରିଥିଲେ। ପୂର୍ବରୁ ଶାନ୍ତିଙ୍କର ଏକ ଶିଶୁପୁତ୍ରଟିଏ ଥିବା ବେଳେ ଧର୍ମୁଙ୍କୁ ବିବାହ କରିବା ପରେ ଅନ୍ୟ ଏକ ପୁତ୍ର ସନ୍ତାନକୁ ଜନ୍ମ ଦେଇଥିଲେ।
ଶାନ୍ତି ଦ୍ବିତୀୟ ଥର ଗର୍ଭବତୀ ହୋଇ ପୁତ୍ର ସନ୍ତାନ ଜନ୍ମକଲେ। ହସ୍ପିଟାଲରୁ ଡ଼ିସଚ୍ଚାର୍ଜ ହେବାପରେ ଉଦଳା ସାଇଁକୁଳା ମାଣିଚଗାଁର ନିଃସନ୍ତାନ ଦମ୍ପତ୍ତିଙ୍କୁ ୬୦ ହଜାର ଟଙ୍କାରେ ବିକ୍ରି କରିଦେଇଥିଲେ। ସେହି ଟଙ୍କାରେ ଏକ ନୂଆ ବାଇକ କିଣିଥିଲେ। ଧର୍ମୁ ବାଇକରେ ନିଜ ଗାଁରେ ବୁଲାବୁଲି କରିବା ପରେ କଥା ପ୍ରଘଟ ହୋଇଥିଲା। ପରେ CWC ଟିମ୍ ହଦମୌଦ ଗାଁରେ ପହଞ୍ଚି ତଦନ୍ତ କରିଛି।
