କାନପୁର: କାନପୁରରେ ମଦୁଆ ଉନ୍ମତ କାଣ୍ଡ । ପରିସ୍ରା କରିବାକୁ ମନାକଲେ ବୋଲି ଗାଡ଼ି ଚଢାଇ ଦେଲେ ମଦୁଆ । ଏମିତି ଏକ ଘଟଣା କାନପୁର ସହରରେ ଘଟିଛି । ଯେଉଁଠି ଜଣେ ଯୁବକ ମଦ୍ୟପାନ କରିଥିବା କିଛି ବ୍ୟକ୍ତିଙ୍କୁ ତାଙ୍କ ଦୋକାନ ସମ୍ମୁଖରେ ପରିସ୍ରା କରିବାକୁ ବାରଣ କଲେ ବୋଲି ସେମାନେ ଯୁବକ ଜଣଙ୍କ ଉପରେ କାର ଚଢାଇ ଦେଇଛନ୍ତି । ପରିବାର ସଦସ୍ୟଙ୍କ ଅଭିଯୋଗ ଉପରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ପୋଲିସ । କାରରେ ଥିବା ଲୋକଙ୍କୁ ଚିହ୍ନଟ କରିବକୁ ସବୁ ପ୍ରକାର ପ୍ରୟାସ ଆରମ୍ଭ ହୋଇଯାଇଛି ।
ସୂଚନା ଅନୁସାରେ, ଶୁକ୍ରବାର ରାତିରେ ଏହି ଘଟଣା ଘଟିଥିଲା ଯେତେବେଳେ କିଛି ମଦୁଆ ଦୋକାନ ଆଗରେ ପରିସ୍ରା କରୁଥିଲେ। ଏବଂ ଯୁବକ ଜଣଙ୍କ ସେମାନଙ୍କୁ ଦୋକାନ ଆଗରେ ପରିସ୍ରା କରିବା ମନା କରିଥିଲେ । ଏଥିରେ ରାଗିଯାଇ ମଦୁଆମାନେ ତାଙ୍କୁ ଦୁର୍ବ୍ୟବହାର କରିବା ଆରମ୍ଭ କରିଥିଲେ। ଏହା ପରେ ମଦ୍ୟପାନ କରିଥିବା ବ୍ୟକ୍ତିମାନେ ଉକ୍ତ ଲୋକଟି ଉପରେ କାର ଚଢାଇଦେଇ ଘଟଣା ସ୍ଥଳରୁ ପଳାଇ ଯାଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ଯୁବକଙ୍କୁ ହସ୍ପିଟାଲକୁ ନେଇଥିଲା। କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
କାନପୁରର ୟଶୋଦା ନଗର ବାଇପାସରେ ଅନୁରାଗ କପୁରଙ୍କ ଏକ ବ୍ୟାଟେରୀ ଦୋକାନ ଅଛି । ସେଠାରେ ଫାହିମାବାଦ କଲୋନୀର ବାସିନ୍ଦା ଆଶରଫ (୩୯) ଦୋକାନରେ କାମ କରୁଥିଲେ। ଅନୁରାଗ କପୁର କହିଛନ୍ତି ଯେ, ନିକଟରେ ବିୟର ଦୋକାନ ଏବଂ ମଦ ଦୋକାନ ଅଛି। ଅନେକ ସମୟରେ ମଦ୍ୟପାନ କରିବା ପରେ ଲୋକମାନେ ଦୋକାନ ନିକଟରେ ପରିସ୍ରା କରନ୍ତି । ସେ କହିଛନ୍ତି ଯେ ଆଶ୍ରାଫ ଶୁକ୍ରବାର ଦିନ ଦୋକାନରେ ଏକୁଟିଆ ଥିଲେ।
ସେ ଆହୁରି ମଧ୍ୟ କହିଛନ୍ତି ଯେ, ରାତିରେ ଆଶ୍ରାଫ ମୋତେ ଫୋନ କଲାବେଳେ ସେ ବହୁତ ନର୍ଭସ ଥିଲେ। ଆଶ୍ରାଫ କହିଥିଲେ ଯେ ଯେତେବେଳେ ମୁଁ ମଦ୍ୟପ ଯୁବକମାନଙ୍କୁ ଦୋକାନ ଆଗରେ ପରିସ୍ରା କରିବାକୁ ଅଟକାଇଥିଲି, ସେମାନେ ମୋତେ ପିଟୁଛନ୍ତି। ଏହା ପରେ ଆଶ୍ରାଫଙ୍କ ଚିତ୍କାରର ଶବ୍ଦ ଆସିଲା। ଏହା ପରେ ଆଶ୍ରାଫଙ୍କ କୌଣସି ଶବ୍ଦ ଶୁଣାଗଲା ନାହିଁ । ଅନୁରାଗ ଦୋକାନରେ ପହଞ୍ଚିବା ପରେ ଜାଣିବାକୁ ପାଇଲେ ଯେ ଆଶରଫଙ୍କୁ ହସ୍ପିଟାଲକୁ ନିଆଯାଇଛି। ସେଠାରେ ପହଞ୍ଚିବା ପରେ ତାଙ୍କର ମୃତ୍ୟୁ ହୋଇଥିବା ଜାଣିଥିଲି ।
ଆଶ୍ରାଫଙ୍କ ପରିବାରରେ ସ୍ତ୍ରୀ ସବିନା, ତିନି ଝିଅ ସାଜିଆ (୧୦), ସାନିୟା (୮), ସିଦ୍ଧରା (୫) ଅଛନ୍ତି । ଆଶରଫଙ୍କ ଉପରେ ତାଙ୍କ ପୁରା ପରିବାର ନିର୍ଭର କରେ । ବାପାଙ୍କ ମୃତ୍ୟୁ ପରେ ଝିଅ ଏବଂ ପତ୍ନୀ ଏବେ ସମ୍ପୂର୍ଣ୍ଣ ବେସାହାରା ହୋଇପଡ଼ିଛି ।
