ନୂଆପଡା ଉପନିର୍ବାଚନରେ ବିଜେଡି ସଭାପତି ନବୀନ ପଟ୍ଟନାୟକଙ୍କୁ ମିଳିଛି ଅଦ୍ଭୁତପୂର୍ବ ଜନ ସମର୍ଥନ । ଆଜି ସୋସିଆଲ ମିଡ଼ିଆ ଏକ୍ସରେ ପୋଷ୍ଟ କରି ନୂଆପଡାବାସୀଙ୍କୁ କୃତଜ୍ଞତା ଜଣାଇଛନ୍ତି ବିଜେଡି ସାଂସଦ ମାନସ ମଙ୍ଗରାଜ । ବିଜେଡି ଯେଉଁଠି ବିକାଶ ସେଇଠି । ବିକାଶ ଚାହୁଁଛ ବିଜେଡିକୁ ଭୋଟ ଦିଅ । ନବୀନଙ୍କୁ ନୂଆପଡାରେ ପାଇ ଲୋକେ ସ୍ଵତଃପ୍ରବୃତ୍ତ ଭାବେ ବିଦ୍ୟୁତ ଭଳି ବିକାଶ ପୁରୁଷଙ୍କୁ ଦେଖିବାକୁ ଟାଣି ହୋଇ ଆସିଥିଲେ । ବିଶାଳ ଜନସମୁଦ୍ର ନବୀନଙ୍କ ନେତୃତ୍ଵରେ ହୋଇଥିବା ବିକାଶର ପ୍ରତିଧ୍ଵନି । ଏହା ଲୋକଙ୍କ ହୃଦୟରେ ଗଭୀର ଆସ୍ଥା ଓ ବିଶ୍ଵାସ ଏବେବି ବଜାୟ ରହିଛି । ଆଜି ବିଜେଡି ସଭାପତି ନବୀନ ପଟ୍ଟନାୟକ ନୂଆପଡାରେ ମେଗା ରୋଡ ଶୋ କରିବା ସହ ଖରିଆର ରୋଡ ଏନଏସି, ନୂଆପଡା ରୋଡ ଏନଏସିରେ ରୋଡ ଶୋ କରିଥିଲେ । ଯେଉଁଥିରେ ହଜାର ହଜାର ଲୋକେ ସାମିଲ ହୋଇଥିଲେ । ଏହା ସହ ବିଜେଡି ପ୍ରାର୍ଥୀ ସ୍ନେହାଙ୍ଗିନୀ ଛୁରିଆଙ୍କୁ ବିପୁଳ ସଂଖ୍ୟାରେ ଭୋଟ ଦେଇ ବିଜୟୀ କରିବାକୁ ନବୀନ କରିଥିଲେ ଅନୁରୋଧ ।
