ମନୀଷ ମୃତ୍ୟୁ ମାମଲା, ପାଣିରେ ବୁଡ଼ିବା ପୂର୍ବରୁ ହୋଇଥିଲା ମୃତ୍ୟୁ
ଭୁବନେଶ୍ୱର: ବହୁଚର୍ଚ୍ଚିତ ମନୀଷ ଅନୁରାଗ ମୃତ୍ୟୁ ମାମଲା । ଆସିଲା ପୋଷ୍ଟମର୍ଟମ ରିପୋର୍ଟ । ପୋଲିସକୁ ଏମ୍ସ ପକ୍ଷରୁ ପୋଷ୍ଟମର୍ଟମ ରିପୋର୍ଟ ହସ୍ତାନ୍ତର କରାଯାଇଛି । ପାଣିରେ ବୁଡ଼ିବା ପୂର୍ବରୁ ମନୀଷଙ୍କ ମୃତ୍ୟୁ ହୋଇଥିବା ପୋଷ୍ଟମର୍ଟମ ରିପୋର୍ଟରେ କୁହାଯାଇଛି । ତେବେ, ହତ୍ୟା କରି ମନୀଷଙ୍କୁ ପାଣିରେ ଫିଙ୍ଗାଯାଇଛି କି ? ତାର ଖୁଲାସା କରିବ କମିଶନରେଟ୍ ପୋଲିସ । କିଛି ସମୟ ପରେ ଭୁବନେଶ୍ବର ଡିସିପି ପ୍ରେସମିଟ୍ କରି ସବିଶେଷ ତଥ୍ୟ ଦେବେ ।
ସେପଟେ ଏହି ମାମଲାରେ ୩ ଅଭିଯୁକ୍ତଙ୍କୁ ଗିରଫ କରିଛି କମିଶନରେଟ୍ ପୋଲିସ । ମୃତ୍ୟୁଞ୍ଜୟ ମିଶ୍ର, ଦିନେଶ ମହାପାତ୍ର ଓ ଅମ୍ରିତ ବିଶ୍ୱାଳଙ୍କୁ ଗିରଫ କରାଯାଇଛି । ହତ୍ୟା ଓ ପ୍ରମାଣ ନଷ୍ଟ ଅଭିଯୋଗରେ ଗିରଫ କରିଛି ପୋଲିସ । ସେଦିନ ବାରରେ ବିଲ୍ ପେମେଣ୍ଟକୁ ନେଇ ହୋଇଥିଲା ବିବାଦ । ସାଙ୍ଗମାନଙ୍କ ମଧ୍ୟରେ ହୋଇଥିଲା ପାଟିତୁଣ୍ଡ । ବାର୍ରେ ୭ହଜାର ୫ଶହ ଟଙ୍କାର ବିଲ୍ ହୋଇଥିଲା । ବିଲ୍ କିଏ ପେମେଣ୍ଟ କରିବ ତାକୁ ନେଇ ଝଗଡ଼ା ହୋଇଥିଲା ।
