ଖୋର୍ଦ୍ଧା ପୌରାଞ୍ଚଳରେ ମନ୍ମଥଙ୍କ ଜୋରଦାର ପ୍ରଚାର

ଖୋର୍ଦ୍ଧା: ଖୋର୍ଦ୍ଧା ପୌରାଞ୍ଚଳରେ ପ୍ରଚାର କରିଛନ୍ତି ବିଜେଡିର ଭୁବନେଶ୍ବର ଲୋକସଭା ପ୍ରାର୍ଥୀ ମନ୍ମଥ ରାଉତରାୟ। ଗତକାଲି ରାତିରେ ଖୋର୍ଦ୍ଧା ବିଧାୟକ ପ୍ରାର୍ଥୀ ରାଜେନ୍ଦ୍ର କୁମାର ସାହୁ ଏବଂ କାଉନସିଲର ପ୍ରବିଣା ଜଗଦେବ ରାୟଙ୍କ ସହ ମିଶି ଲୋକଙ୍କୁ ଭେଟି ଭୋଟ ମାଗିଛନ୍ତି ମନ୍ମଥ । ରାଜ୍ଯ ସରକାରଙ୍କ ଜନକଲ୍ଯାଣକାରୀ ଯୋଜନାର ବାର୍ତ୍ତା ଦେବା ସହ ବିକାଶ ପାଇଁ ନବୀନଙ୍କ ହାତମୁଠାକୁ ଟାଣ କରିବାକୁ ସମସ୍ତଙ୍କୁ ଅନୁରୋଧ କରିଛନ୍ତି। ଉଭୟ ବିଧାୟକ ଓ ସାଂସଦ ପାଇଁ ଶଙ୍ଖ ଚିହ୍ନରେ ଭୋଟ ଦେବାକୁ ଜନସାଧାରଣଙ୍କୁ ଅପିଲ କରିଛନ୍ତି ମନ୍ମଥ।