ଭୁବନେଶ୍ଵର: ବିଜେଡି ଭୁବନେଶ୍ଵର ଲୋକସଭା ପ୍ରାର୍ଥୀ ମନ୍ମଥ ରାଉତରାୟଙ୍କ ନିର୍ବାଚନୀ ଅଭିଯାନ। ଫରେଷ୍ଟ ପାର୍କରେ ବୁଲି ବରିଷ୍ଠ ନାଗରିକଙ୍କଠାରୁ ଆରମ୍ଭ କରି ଯୁବକ ମାନଙ୍କୁ ସାକ୍ଷାତ କଲେ ମନ୍ମଥ। ପ୍ରାର୍ଥୀ ଘୋଷଣା ପରେ ପ୍ରଚାର ଅଭିଯାନ ଆରମ୍ଭ କରିଛନ୍ତି ମନ୍ମଥ ରାଉତରାୟ।
ଭୁବନେଶ୍ଵର ମେୟର ସୁଲୋଚନା ଦାସଙ୍କ ସହ ମିଶି ଫରେଷ୍ଟ ପାର୍କରେ ଲୋକଙ୍କ ସହ ଆଲୋଚନା କରିଥିଲେ। ବୁଲି ବୁଲି ବରିଷ୍ଠ ନାଗରିକ ଠାରୁ ଆରମ୍ଭ କରି ଯୁବକ ମାନଙ୍କୁ ଭେଟି ସମର୍ଥନ ଲୋଡିଛନ୍ତି। ସ୍ବର୍ଗତ ବିଜୁ ପଟ୍ଟନାୟକଙ୍କ ପ୍ରତିମୂର୍ତିରେ ପୁଷ୍ପ ଅର୍ପଣ କରିଛନ୍ତି। ଟ୍ରାକ ପ୍ୟାଣ୍ଟରେ ଲୋକଙ୍କ ସହ ଖେଳିବା ସହିତ ବ୍ୟାୟମ ମଧ୍ୟ କରିଛନ୍ତି।
ବରିଷ୍ଠ ନାଗରିକ ମାନଙ୍କୁ ମୁଣ୍ଡିଆ ମାରି ଆଶୀର୍ବାଦ ଲୋଡିଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶ ଧାରାକୁ ଆଗକୁ ନେବା ପାଇଁ ଯୁବ ନେତୃତ୍ୱକୁ ଗୁରୁତ୍ୱ ଦେଇଛନ୍ତି। ଲୋକଙ୍କ ଭଲ ପାଇବା, ସମର୍ଥନ ଓ ବିକାଶ ଧାରା ବିପୁଳ ବିଜୟ ଦେବ ବୋଲି କହିଛନ୍ତି।
