ଲାଲବାହିନୀର ଲଙ୍କାକାଣ୍ଡ, ଜାଳିଲେ ୯ ମେସିନ

ରାୟଗଡ଼ା: ରାୟଗଡାରେ ଲାଲବାହିନୀର ଲଙ୍କାକାଣ୍ଡ । ମୁନିଗୁଡା ଥାନା ଦେଓକୁପୁଲି ଛକ ନିକଟରେ ଥିବା କ୍ରସରରେ ଲାଲତାଣ୍ଡବ ରଚିଛନ୍ତି ଲାଲବାହିନୀ । କ୍ରସରରେ ଥିବା ଦୁଇଟି ପ୍ରୋକଲିନ, ୫ଟି ହାଇଓ୍ବା ଓ ୨ଟି ଲୋଡର ସମେତ ମୋଟ ୯ଟି ମେସିନରେ ନିଆଁ ଲଗାଇ ପୋଡ଼ି ଦେଇଛନ୍ତି ମାଓବାଦୀ ।

ଗତକାଲି ରାତିରେ ୧୦ରୁ ଅଧିକ ମାଓବାଦୀ ଆସି ଏଭଳି କାଣ୍ଡ ଘଟାଇଛନ୍ତି । କ୍ରସର କର୍ମଚାରୀଙ୍କ ଠାରୁ ମୋବାଇଲ୍ ଛଡାଇ ନେଇଯାଇଛନ୍ତି ମାଓବାଦୀ । ବାଂଶଧାରା ଘୁମୁସର ନାଗାବଳୀ ଡିଭିଜନ ପକ୍ଷରୁ ମାଓ ପୋଷ୍ଟର ଲାଗିଥିବା ଜଣାପଡିଛି । ପୋଷ୍ଟରରେ ୫ଟି ଦାବି ରଖିଥିଲେ ମାଓବାଦୀ । ଦାବି ମଧ୍ୟରେ ଶ୍ରମିକଙ୍କୁ ଶୋଷଣ କରାଯାଉଥିବା, କ୍ରସର ଲାଗ ବାୟୁ ପ୍ରଦୂଷଣ, କ୍ରସରରୁ ବହୁ ମାତ୍ରାରେ ଶବ୍ଦ ବାହାରିବା ଭଳି ଦାବି ଉଲ୍ଲେଖ ରହିଛି । ଘଟଣାସ୍ଥଳରେ ମୁନିଗୁଡା ପୋଲିସ୍ ପହଞ୍ଚି ପୋଷ୍ଟର ଜବତ କରିବା ସହ ତଦନ୍ତ ଜାରି ରଖିଛି ।