ମଥୁରାରେ ଖୋଳିବାବେଳେ ଭୁଶୁଡ଼ିଲା ଘର, ପୋତି ହୋଇଗଲେ ୧୨: ୩ ଜଣଙ୍କ ମୃତ୍ୟୁ

ନନ୍ଦିଘୋଷ ବ୍ୟୁରୋ: ମଥୁରାରୁ ଆସିଲା ଦୁଃଖଦ ଖବର । ଖୋଳିବାବେଳେ ଭୁଶୁଡ଼ିଲା ଘର । ୧୨ ଜଣରୁ ଅଧିକ ପୋତି ହୋଇଥିବାବେଳେ ଶେଷ ଖବର ସୁଦ୍ଧା ୩ ଜଣଙ୍କ ମୃତ୍ୟୁ ହୋଇଛି ।  ଭଙ୍ଗା ଘର ତଳେ ଏବେ ମଧ୍ୟ ଅନେକ ଜଣ ପୋତି ହୋଇ ରହିଥିବା ଖବର ଆସିଛି । ସ୍ଥାନୀୟ ଲୋକାମାନେ କହିଛନ୍ତି କି, ଏକ ଖୋଲା ସ୍ଥାନରେ ଜେସିବିରେ ଖୋଳା ଯାଉଥିଲା । ପାଖରେ ରହିଥିବା ୬ଟି ବଡ଼ ବଡ଼ କୋଠା ଗଳି ପଡ଼ିଥିଲା । ଫଳରେ ଅନେକ ଲୋକ ଭିତରେ ପୋତି ହୋଇ ରହିଥିବା କୁହାଯାଉଛି । ମଥୁରାର ଗୋବିନ୍ଦ ନଗର ଥାନା ଅଞ୍ଚଳରେ ଏଭଳି ଅଘଟଣ ଘଟିଥିବା ନଜର ଆସିଛି । ରବିବାର ଦିନ ୧୨ଟାରେ ଏଭଳି ଅଘଟଣ ଘଟିଛି । ଖବର ପାଇବା ପରେ ଉଦ୍ଧାର କାର୍ଯ୍ୟ ଜାରି ରହିଥିବାବେଳେ ୩ ଜଣଙ୍କ ମୃତ୍ୟୁ ଘଟିଛି ।