ପ୍ରଧାନମନ୍ତ୍ରୀ ମୋଦିଙ୍କ କାରକେଡରେ କାହିଁକି ସାମିଲ ମାୟାବାକ୍…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସୁରକ୍ଷା ବଳୟରେ ସାମିଲ ହୋଇଛି ମର୍ସିଡିଜର ମାୟାବାକ୍ । ଏହି କାରର ମୂଲ୍ୟକୁ ନେଇ ଅନେକ କଳ୍ପନାଜଳ୍ପନା କରାଯାଉଥିଲା । ତେବେ ସରକାରୀ ସୁତ୍ରରୁ ପ୍ରକାଶ ଯେ ନୂଆ କାରଗୁଡ଼ିକର ଅ୍ରପଗ୍ରେଡ୍ କରାଯାଇ ନାହିଁ ବରଂ ବଦଳାଇ ଦିଆଯାଇଛି। କାରଣ ବିଏମଡବ୍ଲୁ ପ୍ରଧାନମନ୍ତ୍ରୀ ବ୍ୟବହାର କରୁଥିବା ମଡେଲର ନିର୍ମାଣ ବନ୍ଦ କରି ଦେଇଛି।

ଏପରିକି ନୂଆ କାରର ମୂଲ୍ୟ ଗଣମାଧ୍ୟମ ଅନୁମାନ କରିଥିବା ଦାମ୍ ତୁଳନାରେ ବହୁତ କମ୍ । ଅନେକ ଗଣମାଧ୍ୟମରେ ମାୟାବାକ୍ କାରର ମୂଲ୍ୟ ୧୨ କୋଟିରୁ ଅଧିକ ହେବ ପ୍ରକାଶିତ ହୋଇଥିଲା।

ଏସପିଜିର ସୁରକ୍ଷା ନିୟମ ଅନୁଯାୟୀ ସୁରକ୍ଷା ପାଇଁ ବ୍ୟବହୃତ ଯାନ ବଦଳାଇବା ପାଇଁ ଛଅ ବର୍ଷର ମାନଦଣ୍ଡ ରହିଛି। କିନ୍ତୁ ମୋଦୀଙ୍କ ପାଇଁ ବ୍ୟବହୃତ ହେଉଥିବା ପୂର୍ବ କାରଗୁଡିକ ଆଠ ବର୍ଷ ଯାଏଁ ବ୍ୟବହାର ହୋଇଛି। ଅଡିଟ୍ ବେଳେ ଏଭଳି ଘଟଣାକୁ ନେଇ ଅସନ୍ତୋଷ ପ୍ରକାଶ କରାଯାଇଥିଲା । ତେବେ ନୂଆ କାର ନେଇ ଅଧିକାରୀମାନେ କହିଥିଲେ ଯେ- ଏସମ୍ପର୍କରେ ମୋଦୀ କୗେଣସି ପସନ୍ଦ ଦର୍ଶାଇନଥିଲେ ।