ଭୁବନେଶ୍ୱର: ଆଜି ହାଉସ ଚାମ୍ବରରେ ଶପଥ ନେଲେ ନବ ନିର୍ବାଚିତ ରାଜ୍ୟସଭା ସଦସ୍ୟ । ଓଡ଼ଶାର ୪ ସଦସ୍ୟ ସୁବାସ ସିଂ, ମୁନ୍ନା ଖାଁ, ମମତା ମହନ୍ତ ଓ ସୁଜିତ କୁମାର ଶପଥ ନେଇଛନ୍ତି । ମାର୍ଚ୍ଚ ୨୬ରେ ଅନୁଷ୍ଠିତ ନିର୍ବାଚନରେ ଏହି ୪ଜଣ ନିର୍ଦ୍ୱନ୍ଦ ନିର୍ବାଚିତ ହୋଇଥିଲେ କିନ୍ତୁ କରୋନା ସ୍ଥିତି ଓ ଲକଡାଉନ ପାଇଁ ଦିଲ୍ଲୀ ଯାଇ ଶପଥ ନେଇପାରିନଥିଲେ ।
ସଂସଦର ଅଧିବେଶନ ଚାଲୁନଥିବାରୁ ରାଜ୍ୟସଭା ହାଉସ ଚାମ୍ବରରେ ନବ ନିର୍ବାଚିତ ସଦସ୍ୟମାନେ ଶପଥ ନେଇଛନ୍ତି । ନିକଟରେ ୨୦ ରାଜ୍ୟରୁ ୬୧ସଦସ୍ୟ ରାଜ୍ୟସଭା ପାଇଁ ନିର୍ବାଚିତ ହୋଇଛନ୍ତି । ଲକଡାଉନ୍ ପାଇଁ ଯେଉଁ ସଦସ୍ୟମାନେ ଦିଲ୍ଲୀ ଯାଇ ଶପଥ ନେଇପାରିନାହାନ୍ତି ସେମାନେ ଆଜି ଶପଥ ନେବାର କାର୍ଯ୍ୟକ୍ରମ ରହିଛି । କରୋନା କଟକଣା ଯୋଗୁଁ ପ୍ରଥମ ଥର ପାଇଁ ହାଉସ ଚାମ୍ବରରେ ଏହି ଶପଥ ସମାରୋହ ଅନୁଷ୍ଠିତ ହୋଇଥିଲା । ଆଜି ଦିନ ୧୧ରେ ଶପଥ ଗ୍ରହଣ କାର୍ଯ୍ୟକ୍ରମ ଶେଷ ହୋଇଛି । ଏବଂ ଶପଥ ଗ୍ରହଣ ସମୟରେ ସାମାଜିକ ଦୂରତା ବଜାୟ ରଖାଯିବ ବୋଲି ସୂଚନା ଦିଆଯାଇଛି । ଏହି ଶପଥ ଗ୍ରହଣ ସମାରୋହରେ ସଦସ୍ୟଙ୍କ ସହ ଜଣେ ଅତିଥି ରହିବା ନେଇ ଅନୁମତି ଦିଆଯଆଇଥିଲା ।
