‘ବଡ଼ ବିଜୟ ପାଇଁ ସବୁ ନେତା ଏକ ହୋଇ ଲଢ଼ିବେ’

ଭୁବନେଶ୍ୱର: ବ୍ରଜରାଜନଗର ଉପ ନିର୍ବାଚନ ପାଇଁ ବିଜେଡି ଅଳକା ମହାନ୍ତିଙ୍କୁ ପ୍ରାର୍ଥୀ କରିଛି । ପଶ୍ଚିମ ଓଡ଼ିଶାରେ ‘ବଡ଼ ବିଜୟ ପାଇଁ ସବୁ ନେତା ଏକ ହୋଇ ଲଢ଼ିବେ’ ବୋଲି କହିଛନ୍ତି ଝାରସୁଗୁଡ଼ା ଜିଲ୍ଲା ବିଜେଡି ପର୍ଯ୍ୟବେକ୍ଷକ ସୁବାସ ସିଂ । ପଞ୍ଚାୟତ ଓ ପୌର ନିର୍ବାଚନରେ ବିଜେଡି ବାଜିମାତ କରିଥିଲା । ବ୍ରଜରାଜନଗର ଆସନ ମଧ୍ୟ ବିଜେଡି କବଜାକୁ ଯିବ । ‘୧୧ତାରିଖରେ ନାମାଙ୍କନ ଦାଖଲ କରିବେ ଅଳକା ମହାନ୍ତି’ ।

ତେବେ ‘ମୁଖ୍ୟମନ୍ତ୍ରୀ ପ୍ରଚାର ମଇଦାନକୁ ଓହ୍ଲାଇବେ କି ନାହିଁ ସ୍ଥିତି ଦେଖି ନିଷ୍ପତ୍ତି’ ନିଆଯିବ ବୋଲି କହିଛନ୍ତି ମନ୍ତ୍ରୀ ସୁଶାନ୍ତ ସିଂ । ‘ପଞ୍ଚାୟତ ଓ ପୌରାଞ୍ଚଳରେ ବିଧାୟକଙ୍କୁ ଦାୟିତ୍ୱ ଦିଆଯାଇଛି’ । ୫୦ହଜାର ଭୋଟ୍ ବ୍ୟବଧାନରେ ବିଜେଡି ଜିତିବ ବୋଲି କହିଛନ୍ତି ସୁଶାନ୍ତ । ପୂର୍ବରୁ ହୋଇଥିବା ସମସ୍ତ ଉପନିର୍ବାଚନରେ ବିଜେଡି ବିଜୟୀ ହୋଇଥିବାବେଳେ ବ୍ରଜରାଜନଗର ଉନନିର୍ବାଚନରେ ମଧ୍ୟ ବିଜେଡି ବହୁମତରେ ବିଜୟୀ ହେବ ବୋଲି ଦଳ ଦୃଢ ଆଶା ପ୍ରକଟ କରିଛି  ।