ଗିରଫ କରିବାକୁ ଯାଇଥିଲେ ଥାନା ଅଧିକାରୀ, ଭ୍ୟାନ୍ ଭିତରୁ ଘୋଷାଡି ଆଣି ମାଡ ମାରିଲେ ଦୁର୍ବୃତ୍ତ
1 min read
ଢେଙ୍କାନାଳ: ରାସ୍ତା ଉପରେ ଥାନା ଅଧିକାରୀଙ୍କୁ ନିର୍ଦ୍ଧୁମ ମାଡ । ଟେଣ୍ଟ ଲାଇଟ୍ ଭଙ୍ଗା ଘଟଣାକୁ ନେଇ ଦୁଇ ଯୁବକ ଘଟାଇଲେ ତୁମୁଳ କାଣ୍ଡ । ଢେଙ୍କନାଳ ଜିଲ୍ଲା କଣ୍ଟାବଣିଆ ବଜାରରେ ଘଟିଛି ଏହି ଅଭାବନୀୟ ଘଟଣା । କଣ୍ଟାବଣିଆ ବଜାରରେ ଲକ୍ଷ୍ମୀପୂଜା ପାଇଁ ଲାଇଟସେଟିଂ ଚାଲିଥିଲା ବେଳେ କଣ୍ଟାବଣିଆ ଗାଁର ବାବୁଲି ରାଉତ ଓ ତାଙ୍କ ଭିଣୋଇ ମନୋଜ ବେହେରା ଅସଭ୍ୟ ଭାଷାରେ ଗାଳିଗୁଲଜ କରିଥିଲେ । ପରେ ଲାଇଟ୍ ସବୁ ଭାଙ୍ଗିଥିଲେ ।
ଟେଣ୍ଟ ହାଉସ ମାଲିକ ଦାଶରଥୀ ସେଠୀଙ୍କ ଅଭିଯୋଗ ପରେ କଣ୍ଟାବଣିଆ ଭାରାପ୍ରାପ୍ତ ଅଧିକାରୀ ସବିତା ପାତ୍ର ଘଟଣାସ୍ଥଳକୁ ଯାଇ ବାବୁଲିକୁ କାବୁ କରି ଥାନାକୁ ନେଉଥିଲେ । ହଠାତ୍ ବୋଲେରୋ ମଧ୍ୟରେ ଥାନାଧିକାରୀଙ୍କୁ ଅଭିଯୁକ୍ତ ଅତର୍କିତ ଆକ୍ରମଣ କରି ମାରିଦେବାକୁ ଉଦ୍ୟମ କରିଥିଲା । ଏଥିରେ ଥାନାଧିକାରୀ ଓ ଜଣେ ASI ଆହତ ହୋଇଥିଲେ । ପରେ ଦୁଇ ଦୁର୍ବୃତ୍ତ ଜଣଙ୍କୁ କାବୁ କରି ନେଇଥିଲେ ପୋଲିସ। ଘଟଣାକୁ ନେଇ ୨ଟି ମାମଲା ରୁଜୁ ହୋଇଛି ।
