ଭାରତକୁ ଆମେରିକାର ଧମକ; ରୁଷିଆରୁ ତେଲ ଆମଦାନୀ ପୂରାପୂରି ବନ୍ଦ କର
1 min read
ନନ୍ଦିଘୋଷ ବ୍ୟୁରୋ; ଭାରତକୁ ଟ୍ରମ୍ପ ପ୍ରଶାସନର ଖୋଲାଖୋଲି ଧମକ। ରୁଷିଆଠାରୁ ତେଲ ଆମଦାନୀ ପୁରା ବନ୍ଦ କର । ୟୁକ୍ରେନ ଯୁଦ୍ଧ ପାଇଁ ଅର୍ଥ ଦିଅନି । ନହେଲେ ଏହାକୁ ଆମେରିକାର ବରଦାସ୍ତ କରିବନି । ଏହା କହିଛନ୍ତି, ଆମେରିକାର ରାଷ୍ଟ୍ରପତି ଡୋନାଲଡ ଟ୍ରମ୍ପଙ୍କ ଘନିଷ୍ଠ ସହଯୋଗୀ ଷ୍ଟିଫେନ ମିଲର୍। ସେ କହିଛନ୍ତି, ଯଦିଓ ଟ୍ରମ୍ପ ଓ ମୋଦିଙ୍କ ମଧ୍ୟରେ ଘନିଷ୍ଠ ସଂପର୍କ ରହିଛି, ତଥାପି ରୁଷିଆରୁ ଭାରତ ପେଟ୍ରୋଲିୟମ କିଣୁ, ଏହା ଟ୍ରମ୍ପ ବିଲକୁଲ ଚାହାନ୍ତି ନାହିଁ। ୟୁକ୍ରେନ ଯୁଦ୍ଧକୁ ଭାରତ ଫାଇନାନ୍ସ ନକରୁ। ଭାରତ-ଆମେରିକା ମଧ୍ୟରେ ଉତ୍ତମ ସଂପର୍କ ଅଛି। କିନ୍ତୁ ରୁଷିଆରୁ ଭାରତ ତେଲ କିଣିବା ଠିକ୍ ନୁହେଁ।
ଆମେରିକା ଏହା ବରଦାସ୍ତ କରିବ ନାହିଁ। ଆଗରୁ ମଧ୍ୟ ଟ୍ରମ୍ପ ଭାରତକୁ ଧମକାଇଥିଲେ। ରୁଷିଆରୁ ତେଲ ନକିଣିବାକୁ କହିଥିଲେ। ନହେଲେ ଶହେ ପ୍ରତିଶତ ଟାରିଫ ଲଗାଇବାକୁ ଧମକ ଦେଇଥିଲେ । ଏହା ସତ୍ତ୍ଵେ ଭାରତ ନିଜର ଷ୍ଟ୍ରାଟେଜିକ୍ ଆବଶ୍ୟକତା ଦୃଷ୍ଟିରୁ ରୁଷରୁ ତେଲ ଆଣୁଛି । ଆମଦାନୀ ବନ୍ଦ କରିବାକୁ ତେଲ କମ୍ପାନିଗୁଡ଼ିକୁ ନିର୍ଦ୍ଦେଶ ଦିଆଯାଇନି । ତେବେ ରୁଷ ଡିସକାଉଣ୍ଟ ହ୍ରାସ କରିଥିବାରୁ ଆମଦାନୀ ଟିକେ କମିଥିବା କୁହାଯାଉଛି । ଭାରତର ସାମଗ୍ରୀ ଉପରେ ଆମେରିକା ୨୫ ପ୍ରତିଶତ ଟାରିଫ ଲଗାଇଛି ।
