ଗୀତିକାର ତପନ ପଟ୍ଟନାୟକଙ୍କ ବିୟୋଗରେ ଶୋକପ୍ରକାଶ କଲେ ସାଂସଦ ମାନସ ମଙ୍ଗରାଜ

ଭୁବନେଶ୍ୱର: ବିଶିଷ୍ଟ କବି, ଗୀତିକାର, ଔପନ୍ୟାସିକ ତପନ ପଟ୍ଟନାୟକଙ୍କ ବିୟୋଗରେ ଶୋକ ପ୍ରକାଶ କଲେ ସାଂସଦ ମାନସ ମଙ୍ଗରାଜ । ଟ୍ୱିଟ କରି ସାଂସଦ କହିଛନ୍ତି ‘ବିଶିଷ୍ଟ ଲେଖକ, କବି ଏବଂ ଗୀତିକାର ତପନ ପଟ୍ଟନାୟକଙ୍କ ବିୟୋଗରେ ମୁଁ ଗଭୀର ମର୍ମାହତ । ସେ ମୋର ବଡ଼ ଭାଇଭଳି ଥିଲେ । ଏହା ମୋ ପାଇଁ ବ୍ୟକ୍ତିଗତ ଭାବେ ବଡ଼ କ୍ଷତି । ତାଙ୍କ ପରିବାରକୁ ସମବେଦନା ଜଣାଉଛି । ନିଜର ଅମର ଗୀତ ପାଇଁ ସେ ସବୁବେଳେ ମନେରହିବେ । ମୁଁ ଆସିଛି ଦେଖି ତୋ କଳା ବଦନକୁ.. ଭଜନ ତାଙ୍କର ଏକ ଅନବଦ୍ୟ କୃତି ।’

ସୂଚନାଥାଉକି ତପନ ପଟ୍ଟନାୟକ ଅସୁସ୍ଥତା କାରଣରୁ କିଛି ଦିନ ହେବ ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ । ୭୨ ବର୍ଷ ବୟସରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ତାଙ୍କ ବିୟୋଗରେ ଓଡ଼ିଆ ସାହିତ୍ୟ ଜଗତରେ ଶୋକର ଛାୟା ଖେଳିଯାଇଛି । ଶୂନ୍ୟକାଳ, ଶୂନ୍ୟ ଧାନକ୍ଷେତ, ଅରଣ୍ୟ ଗହନ ପଥ, ମଗ୍ନ ମୌନ ଆଦି ପୁସ୍ତକର ସ୍ରଷ୍ଟା ଭାବରେ ଓଡ଼ିଆ ବାଣୀ ଭଣ୍ଡାରକୁ ସେ ସମୃଦ୍ଧ କରିଥିଲେ ।