ପୁଣି ସଂସଦରେ ରାଜ୍ୟ ସ୍ୱାର୍ଥ ନେଇ ଦାବି ରଖିଲେ ସାଂସଦ ସସ୍ମିତ ପାତ୍ର

ଭୁବନେଶ୍ୱର: ରାଜ୍ୟସଭାରେ ବିଜୁ ଜନତା ଦଳର ସାଂସଦ ଡକ୍ଟର ସସ୍ମିତ ପାତ୍ର ଓଡିଶାର ବିକାଶ ନେଇ ଅନେକ ପ୍ରସଙ୍ଗ ଉଠାଇଛନ୍ତି । ଏହାସହ କେନ୍ଦ୍ରସରକାର ଓଡ଼ିଶା ପ୍ରତି କରିଥିବା ଅବହେଳା କଥା ମଧ୍ୟ ଉଠାଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଓଡ଼ିଶା ପ୍ରତି କେନ୍ଦ୍ର ଅବହେଳା କରିଥିବା କଥା ବାରମ୍ବାର କହିଛନ୍ତି ।

୧.ଭାରତୀୟ ସମ୍ବିଧାନର ଅଷ୍ଟମ ଅନୁସୂଚୀରେ ସମ୍ବଲପୁରୀ, କୋସାଳି ଏବଂ ହୋ ଭାଷାକୁ ଅନ୍ତର୍ଭୁକ୍ତ କରାଯାଉ ।

୨. ସୁନ୍ଦରଗଡ ଜିଲ୍ଲାରେ ଓଡିଶାର ଦ୍ୱିତୀୟ AIIMS ହସ୍ପିଟାଲ୍ କରାଯାଉ ।

୩. ଓଡ଼ିଶାରେ ବିଧାନ ପରିଷଦର ପ୍ରତିଷ୍ଠା କରାଯାଉ ।

୪. ବାରମ୍ବାର ପ୍ରାକୃତିକ ବିପର୍ଯ୍ୟୟର ସମ୍ମୁଖୀନ ହେଉଥିବାରୁ ଓଡିଶାକୁ ସ୍ୱତନ୍ତ୍ରରାଜ୍ୟ ପାହ୍ୟା ଦିଆଯାଉ ।

୫. ପୁରୀରେ ଶ୍ରୀ ଜଗନ୍ନାଥ ଅନ୍ତର୍ଜାତୀୟ ବିମାନବନ୍ଦର ପ୍ରତିଷ୍ଠା କରାଯାଉ ।

୬. ଓଡ଼ିଶାର ୨୨୩୫ଟି ଗାଁରେ ଏବେ ସୁଦ୍ଧାର ଟେଲି ଯୋଗାଯୋଗ କଭରେଜ୍ ନାହିଁ । ଏହା ଉପରେ ଗୁରୁତ୍ୱ ଦିଆଯାଉ ।

୭. ୭୦ ପ୍ରତିଶତ ଗ୍ରାମ ପଞ୍ଚାୟତରେ ବ୍ୟାଙ୍କ ଖଣ୍ଡେ ନାହିଁ, ବ୍ୟାଙ୍କିଙ୍ଗ୍ ସେକ୍ଟର ବୃଦ୍ଧି ହେବା ଆବଶ୍ୟକ ।

୮. କୋଇଲା ରୟାଲଟି, ସ୍ୱଚ୍ଛ ଶକ୍ତି ସେସ୍ ଏବଂ ଉପକୂଳ ରାଜପଥ ପ୍ରସଙ୍ଗ ମଧ୍ୟ ବିଚାରାଧୀନ ଅଛି । ତେଣୁ ଏହାର ମଧ୍ୟ ସମାଧାନ କରାଯାଉ ।