ଥାନା ଅଧିକାରୀଙ୍କୁ ଗୁଳିକରି ହତ୍ୟା ମାମଲାରେ ଦୋଷୀକୁ ଆଜୀବନ କାରାଦଣ୍ଡ

ବ୍ରହ୍ମପୁର: ଗଞ୍ଜାମ ଜିଲ୍ଲା ଶେରଗଡ଼ ଥାନା ଅଧିକାରୀଙ୍କୁ ଗୁଳିକରି ହତ୍ୟା ମାମଲା । ଦୋଷୀକୁ ଆଜୀବନ ସଶ୍ରମ କାରାଦଣ୍ଡ । ଅଭିଯୁକ୍ତ ସମୀର କୁମାର ପଣ୍ଡାକୁ ଆଜୀବନ ଦଣ୍ଡ ସହ ୨୩ ହଜାର ଟଙ୍କା ଜୋରିମାନା ଆଦେଶ । ଜୋରିମାନା ଅନାଦେୟ ଅଧିକ ୩ମାସ କାରାଦଣ୍ଡ ନିର୍ଦ୍ଦେଶ ଦେଇଛନ୍ତି ଅତିରିକ୍ତ ଜିଲା ଦୌରା ଜଜ୍ ପ୍ରବୀର କୁମାର ଚୌଧୁରୀ ।

ହତ୍ୟାକାଣ୍ଡରେ ସଂପୃକ୍ତ ୩ ଅଭିଯୁକ୍ତଙ୍କ ମଧ୍ୟରୁ ସୁଶାନ୍ତ ବେହେରାଙ୍କୁ ଆଜୀବନ ସଶ୍ରମ କାରାଦଣ୍ଡ ଦିଆଯାଥିବାବେଳେ ସୁନୀଲ ବେହେରାଙ୍କୁ ପ୍ରମାଣ ଅଭାବରୁ ନିର୍ଦ୍ଦୋଷରେ ଖଲାସ କରାଯାଇଛି । ତେବେ ଜାମିନରେ ଥିବା ସମୀର ପଣ୍ଡା କୋର୍ଟରେ ଅନୁପସ୍ଥିତ ଥିବାରୁ ଓ୍ବାରେଣ୍ଟ ଜାରି କରାଯାଇଛି । ୨୬ ନଭେମ୍ବର ୨୦୧୦ ରାତି ପ୍ରାୟ ୧୧ ଟା ବେଳେ ଥାନା ଅଧିକାରୀ ମନୋରଞ୍ଜନ ମିଶ୍ର ନିଜ ବାଇକରେ ତାକରଡା ଅଭିମୁଖେ ଯାଉଥିବାବେଳେ ତାକରଡ଼ା- ଶେରଗଡ଼ ରାସ୍ତାରେ ତାଙ୍କୁ ଗୁଳିମାଡ଼ ହୋଇଥିଲା । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା ।