ସମ୍ବଲପୁରରେ ନାବାଳିକା ମୃତ୍ୟୁ ମାମଲା। ଦୁର୍ଘଟଣାରୁ ମୃତ୍ୟୁ ନା ହତ୍ୟା ଚାଲିଛି ତଦନ୍ତ। ଗତକାଲି ଶାନ୍ତିନଗର ଅଂଚଳର ନାବାଳିକାଙ୍କ ମୃତଦେହ ତାଙ୍କ ଘର ସାମ୍ନାରେ ଥିବା ଏକ ଡ୍ରେନରୁ ଉଦ୍ଧାର କରାଯାଇଥିଲା। ତେବେ ନାବାଳିକାଙ୍କୁ ହତ୍ୟା କରାଯାଇ ତାଙ୍କୁ ଡ୍ରେନରେ ପକାଇ ଦିଆଯାଇଥିବା ଅଭିଯୋଗ କରିଛନ୍ତି ନାବାଳିକାଙ୍କ ମାମୁଁ। ଏପଟେ ନାବାଳିକାଙ୍କ ପରିବାର ଅଭିଯୋଗକୁ ଖଣ୍ଡନ କରିଛନ୍ତି। 2014ରେ ନାବାଳିକାଙ୍କ ବାପା ଏକ ସଡ଼କ ଦୁର୍ଘଟଣାରେ ପ୍ରାଣ ହରାଇଥିଲେ। 3 ବର୍ଷ ପରେ ନାବାଳିକାଙ୍କ ମାଆଙ୍କର ସନ୍ଦେହଜନକ ଅବସ୍ଥାରେ ମୃତଦେହ ମିଳିଥିଲା। ଏବେ ପୁଣି ନାବାଳିକାଙ୍କ ମୃତ୍ୟୁ ସନ୍ଦେହ ବଢ଼ାଇଛି। ସେପଟେ ମୃତ ନାବାଳିକାଙ୍କ ପିଉସୀ ଏହା ହତ୍ୟା ନୁହେଁ ବୋଲି କହିବା ସହ ହତ୍ୟା ଅଭିଯୋଗକୁ ଖଣ୍ଡନ କରିଛନ୍ତି। କିନ୍ତୁ ସମ୍ବଲପୁର ପୋଲିସ କହିଛି ଯେ, ପୋଲିସ ତଦନ୍ତ କରୁଛି ଯାହା ସତ୍ୟ ତାହା ସାମ୍ନାକୁ ଆସିବ। ଘଟଣାକୁ ଗୁରୁତର ସହ ନେଇ ପୋଲିସ ତଦନ୍ତ କରୁଥିବା ସମ୍ବଲପୁର ପୋଲିସ ସୂଚନା ଦେଇଛି ।
