ଆମେରିକାରେ ନାଟୁନାଟୁ କ୍ରେଜ୍, ଟେସଲା କାରରେ ହେଲା ଲାଇଟ୍ ସୋ’

ଓ୍ବାସିଂଟନ୍: ଫିଲ୍ମ RRR ରିଲିଜ ହେଲାପରେ ନାଟୁନାଟୁ ଗୀତରେ ସମସ୍ତେ ପାଗଳ ହୋଇଛନ୍ତି । ଗୀତଟି ଏତେ  ମନକୁ ଛୁଇଁଥିଲା ଯେ, ସୋସିଆଲ ମିଡିଆରେ ଏହା ଟ୍ରେଣ୍ଡ କରିବାକୁ ଲାଗିଲା । ନିକଟରେ ନାଟୁନାଟୁ ଗୀତକୁ ଓସ୍କାର ମିଳିଛି । ଓସ୍କାର ମିଳିବା ପରେ ଏହି ଗୀତର ଚର୍ଚ୍ଚା ଭାରତ ସହ ବିଦେଶରେ ବି ଆରମ୍ଭ ହୋଇଛି । ବିଦେଶୀ ବି ଏହି ଗୀତର ଧୁମରେ ନାଚୁଛନ୍ତି । ସୋସିଆଲ ମିଡିଆରେ ଏହାକୁ ନେଇ ରିଲ୍ସ ତିଆରି ହେବା ସହ ଖୁବ୍ ପ୍ରଶଂସା ପାଉଛି ।

ନିକଟରେ ଆମେରିକା ବି ଏହି ଗୀତ ଦେଖି ପାଗଳ ହେଇଯାଇଛି । ସେଠାରେ ଟେସଲା କାରରେ ନାଟୁନାଟୁ ଗୀତର ଲାଇଟ୍ ସୋ’ ହୋଇଛି । ଗୀତର ଧୂନ୍ ତାଳେ ତାଳେ କାରର ଲାଇଟ ଗୁଡ଼ିକ ଜଳୁଥିବାର ଦେଖାଯାଉଛି । ଏମିତି ଲାଗୁଛି ଯେପରି କାର୍ ଗୁଡ଼ିକ ଗୀତରେ ନାଚୁଛନ୍ତି । ରାତିରେ ଏହି କାର ଲାଇଟ୍ ବେଶ ସୁନ୍ଦର ଦେଖାଯାଉଛି ।

ଏହି କାର୍ ଲାଇଟର ଭିଡିଓ RRR ଫିଲ୍ମର ଟ୍ବିଟର ହ୍ୟାଣ୍ଡେଲରେ ପୋଷ୍ଟ କରାଯାଉଛି । ଆମେରିକାର ନ୍ୟୁ ଜର୍ସି ସହରରେ ଟେସଲା କାରକୁ ପାର୍କିଂ କରି ଏପରି କରାଯାଇଛି ।

.@Teslalightshows light sync with the beats of #Oscar Winning Song #NaatuNaatu in New Jersey ??

Thanks for all the love. #RRRMovie @Tesla @elonmusk pic.twitter.com/wCJIY4sTyr

— RRR Movie (@RRRMovie) March 20, 2023