ଥାନା ଭିତରେ ପୋଲିସର ନାଗିନ୍ ଡ୍ୟାନ୍ସ, ଦେଖନ୍ତୁ ଭିଡିଓ…
1 min read
ଯାଜପୁର: ହୋଲି ପାଇଁ ସମସ୍ତେ ଘରେ ଥିଲେ । ବାହାରେ ବୁଲି ବୁଲି କରୋନା ସଂକ୍ରମଣ ରୋକିବାକୁ ଜାରି କଟକଣାର ତଦାରଖ କରୁଥିଲା ପୋଲିସ । ହେଲେ ଯାଜପୁରରେ ନିୟମ ରକ୍ଷା ଦାୟିତ୍ୱରେ ଥିବା ପୋଲିସ ନିଜେ ଭାଙ୍ଗିଥିଲା କଟକଣା । ଥାନା ଭିତରେ ପୋଲିସ ୟୁନିଫର୍ମରେ ରଙ୍ଗ ଖେଳ ସହ ଜମିଥିଲା ନାଚଗୀତର ଆସର । ଏବେ ଏଙି ଭିଡିଓ ଭାଇରାଲ୍ ହୋଇଛି ।
ହୋଲି ଦିନ ଯାଜପୁର ଜିଲ୍ଲା ପାଣିକୋଇଲି ଥାନାରେ ନାଚୁଛନ୍ତି ପୋଲିସ କର୍ମଚାରୀ । ତାଳ ସହ ତାଳ ମିଶାଇ ଛନ୍ଦରେ ଗୋଡ଼ ଛନ୍ଦି ଚାଲିଛନ୍ତି ପୋଲିସ ବାବୁ, ତାହା ପୁଣି ଥାନା ଭିତରେ । ଭାଇରାଲ୍ ଭିଡିଓରେ ୩ରୁ ୪ ଜଣ ପୋଲିସ କର୍ମଚାରୀ ନାଚୁଥିବାର ଦେଖାଯାଉଛି ।
ଭାଇରାଲ୍ ଭିଡିଓରେ ଖୋଦ୍ ଥାନା ଅଧିକାରୀ ଚକ୍ରପତି କଅଁରଙ୍କ ସମେତ ୨ ଜଣ ASI, ୨ ଜଣ ଗୃହରକ୍ଷୀ ଓ ଅନ୍ୟ କେତେଜଣ ପୋଲିସ କର୍ମଚାରୀ ଏଥିରେ ସାମିଲ୍ ଅଛନ୍ତି । ଏଠି ପ୍ରଶ୍ନ ଉଠୁଛି, ଯେ ହୋଲି ପାଳନ ନେଇ ସରକାର କଟକଣା ଜାରି କରିଥିବା ବେଳେ ଏହାକୁ ପୋଲିସ ତଦାରଖ କରୁଥିଲା । ଭିଡିଓରୁ ଜଣାପଡ଼ୁଛି ପୋଲିସ କେମିତି ସଜାଗ ଥିଲା ?
