ନନ୍ଦିଘୋଷ ବ୍ୟୁରୋ : ଆଜି ଜାତୀୟ କ୍ରୀଡ଼ା ଦିବସ। ଅଗଷ୍ଟ ୨୯, ୨୦୨୬ରେ ସାରା ଭାରତରେ ପାଳନ କରାଯାଉଛି ଜାତୀୟ କ୍ରୀଡ଼ା ଦିବସ। ଇତିହାସର ସର୍ବଶ୍ରେଷ୍ଠ ଫିଲ୍ଡ ହକି କିମ୍ବଦନ୍ତୀ ମେଜର ଧ୍ୟାନ ଚାନ୍ଦଙ୍କ ଜନ୍ମବାର୍ଷିକୀ ଅବସରରେ ତାଙ୍କୁ ଶ୍ରଦ୍ଧାଞ୍ଜଳି ସ୍ୱରୂପ ଏହି ଦିବସ ପାଳନ କରାଯାଏ।
ମେଜର ଧ୍ୟାନ ଚାନ୍ଦ ଭାରତ ପାଇଁ ୧୯୨୮, ୧୯୩୨ ଓ ୧୯୩୬ ଅଲିମ୍ପିକ୍ସରେ ୩ଟି ସ୍ୱର୍ଣ୍ଣ ପଦକ ଜିତିଥିଲେ। ୧୯୨୬ରୁ ୧୯୪୯ ପର୍ଯ୍ୟନ୍ତ ତାଙ୍କର ଚମତ୍କାର ଅନ୍ତର୍ଜାତୀୟ କ୍ୟାରିୟରରେ ସେ ୪୦୦ରୁ ଅଧିକ ଗୋଲ କରିଥିଲେ। ଚଳିତବର୍ଷ ଜାତୀୟ କ୍ରୀଡ଼ା ଦିବସର ଥିମ୍ ରହିଛି— ‘ଖେଲେଗା ଭାରତ, ଜିତେଗା ଭାରତ’। ଭାରତୀୟ କ୍ରୀଡ଼ା ପ୍ରାଧିକରଣ (SAI) ଓ ଶିକ୍ଷା ମନ୍ତ୍ରଣାଳୟ ପକ୍ଷରୁ ଅଗଷ୍ଟ ୨୮ରୁ ୩୦ ପର୍ଯ୍ୟନ୍ତ ସ୍କୁଲ ଓ ଉଚ୍ଚଶିକ୍ଷା ପ୍ରତିଷ୍ଠାନଗୁଡ଼ିକରେ ଦେଶବ୍ୟାପୀ କ୍ରୀଡ଼ା ଅଭିଯାନ ଚାଲିଛି। ଏହା ମାଧ୍ୟମରେ ଦେଶରେ ଏକ ସୁଦୃଢ଼ କ୍ରୀଡ଼ା ସଂସ୍କୃତି ପ୍ରତିଷ୍ଠା କରିବା ଲକ୍ଷ୍ୟ ରହିଛି।
