ଭୁବନେଶ୍ବର : ବିଧାନସଭା ଆରମ୍ଭରୁ ପୂର୍ବରୁ ଚାଷୀଙ୍କ ହଲ୍ଲାବୋଲ । ଭୁବନେଶ୍ୱର ବିଧାନସଭା ସମ୍ମୁଖରେ ନବନିର୍ମାଣ କୃଷକ ଓ ଯୁବଛାତ୍ର ସଂଗଠନର ଆନ୍ଦୋଳନ । ଧାନ ଢ଼ାଳି ପ୍ରତିବାଦ କରିବାକୁ ଉଦ୍ୟମ ବେଳେ ଉଠାଇ ନେଲା ପୋଲିସ । ରାଜ୍ୟରେ ଧାନ ଚୋରି ହେଉଥିବା ଅଭିଯୋଗ ଆଣି ଗର୍ଜିଲା ନବନିର୍ମାଣ କୃଷକ ଓ ଯୁବ ଛାତ୍ର ସଂଗଠନ । ପ୍ରତି ଚାଷୀଙ୍କୁ କୁଇଣ୍ଟାଲ ପିଛା ୬ ରୁ ୧୨ କେଜି ଧାନ କଟନିଛଟନି କରାଯାଉଛି । ଗୋଟିଏ ଗୋଟିଏ ଜ଼ିଲ୍ଲାରୁ ୪୦ ରୁ ୫୦ କୋଟି ଟଙ୍କାର ଧାନ ଚୋରି କରୁଛନ୍ତି ସରକାର ।
ସରକାର ପ୍ରକୃତରେ ଲୋକଙ୍କ ସରକାର ନୁହଁ ବରଂ ପୁଞ୍ଜିପତିଙ୍କ ସରକାର ବୋଲି ଅଭିଯୋଗ କରିଛି ନବ ନିର୍ମାଣ କୃଷକ ସଂଗଠନ । ଧାନ ଚୋରି ବନ୍ଦ ନ ହେଲେ ଆଗାମୀ ଦିନରେ ସରକାରଙ୍କ ବିରୋଧରେ ବଡ଼ ଧରଣର ଆନ୍ଦୋଳନ କରିବାକୁ ଚେତାବନୀ ଦେଇଛି ନବନିର୍ମାଣ କୃଷକ ଓ ଯୁବ ଛାତ୍ର ସଂଗଠନ ।
