ଫିଡ଼ିକିଗଲେ ନୱାଜଉଦ୍ଦିନ୍: କହିଲେ, ଫେକ୍ ଆକ୍ଟିଂ କରୁଛନ୍ତି ସୁପରଷ୍ଟାର୍ସ

1 min read

ମୁମ୍ବାଇ:  ବଲିଉଡ୍‌ ଅଭିନେତା  ନୱାଜୁଦ୍ଦିନ୍‌ ସିଦ୍ଦିକି ଜଣେ ଦକ୍ଷ ଓ ଲୋକପ୍ରିୟ ଅଭିନେତା। ସେ ନିଜର ଅଭିନୟ ପାଇଁ  ପ୍ରତିଟି ଦର୍ଶକଙ୍କ ମଧ୍ୟରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି। ନୱାଜଙ୍କ କୁହନ୍ତୁ ଯେ ସେହି କଳାକାର ସଫଳ ହୁଏ ଯାହା ପାଖରେ ନିଜର ଏକ ସ୍ୱତନ୍ତ୍ର ଷ୍ଟାଇଲ ଥାଏ । ତାଙ୍କ କହିବା କଥା ଯେ ଯଦି ନୂଆ କଳାକାରମାନେ ଇଣ୍ଡଷ୍ଟ୍ରିର ସୁପରଷ୍ଟାରଙ୍କ  ନକଲ କରିବେ ତେବେ ତାଙ୍କୁ ଦର୍ଶ ଆଦୌ ପସନ୍ଦ କରିବେ ନାହିଁ ।

ଫେକ୍ ଆକ୍ଟିଂ କରନ୍ତି ସୁପରଷ୍ଟାର୍ସ:

ନିଜ ଚମତ୍କାର ଅଭିନୟରେ ଦର୍ଶକଙ୍କ ମନ ଜିଣୁଥିବା ନୱାଜ  କହିଛନ୍ତି, ‘ମୁଁ ନିଜ ଅନୁଭବରୁ ବାସ ଏତିକି କହିବି ଯେ ଆପଣଙ୍କୁ କେବେ ନିଜ ସ୍ୱତନ୍ତ୍ର ଷ୍ଟାଇଲ ଛାଡ଼ିବା ଉଚିତ ନୁହେଁ । ଯେତେ ବି ସୁପରଷ୍ଟାର ଅଛନ୍ତି ସମସ୍ତେ ଫେକ୍ ଆକ୍ଟିଂ କରନ୍ତି, ସେତିପାଇଁ ନିଜ ପରିଚୟ ନିଜେ ବନେଇବା ଉଚିତ । ମୁଁ ଆପଣଙ୍କ ଅରିଜିନାଲ୍ ଆକ୍ଟିଂ ଦେକିବାକୁ ଚାହୁଁଛି । ଯଦି ଆପଣ କୌଣସି ସୁପରଷ୍ଟାର ଭଳି ଅଭିନୟ କରିବେ ତେବେ ମୁଁ ଆପଣଙ୍କୁ କାହିଁକି ଦେଖିବି? ଯଦି ଆପଣ କିଛି ଭଲ, ରୋଚକ ତଥା ଅରିଜିନାଲ୍ ଦେଖାଇବେ ତେବେ ଯାଇ ମୁଁ ଆପଣଙ୍କୁ ଦେଖିବାକୁ ଚାହିଁବି।’

ନିଜ ଫାଇଦା ପୀଇଁ OTT ଆସିଲେ ସୁପରଷ୍ଟାର୍ସ:

ବର୍ତ୍ତମାନ ବଲିଉଡର ବହୁ ବଡ଼ ବଡ଼ ସୁପରଷ୍ଟାର ମାନଙ୍କୁ ବି OTT ପ୍ଲାଟଫର୍ମରେ ଦେଖିବାକୁ ମିଳୁଛି । ଫିଲ୍ମ ବ୍ୟତୀତ ଏମାନେ ବିଭିନ୍ନ ୱେବ୍ ସିରିଜରେ ବି ଅଭିନୟ କରୁଛନ୍ତି । ତେବେ ନୱାଜଙ୍କ କହିବା କଥା ଯେ ପ୍ରାରମ୍ଭରେ ଲୋକମାନେ କେବଳ ଭଲ କାମ ଏବଂ ଉତ୍ସାହ ପାଇଁ OTTରେ ଯାଉଥିଲେ। ହେଲେ ଏବେ କିନ୍ତୁ ସୁପରଷ୍ଟାରମାନେ ଏଥିପାଇଁ  ଓଟିଟି ଆଡ଼କୁ ଢଳୁଛନ୍ତି କାହିଁକି ନା ଫିଲ୍ମ ଗୁଡ଼ିକ ଥିଏଟରରେ ରିଲିଜ ହୋଇପାରୁ ନାହିଁ । ଯାହାକି ଠିକ୍ ନୁହେଁ । ବର୍ତ୍ତମାନ ବଡ଼ OTT ପ୍ଲାଟଫର୍ମ ସୁପରଷ୍ଟାରମାନଙ୍କ ସହିତ କାମ କରୁଛି । ତେବେ ସେ ପ୍ରଶ୍ନ କରିଛନ୍ତି ଯେ ପୂର୍ବରୁ ଏମାନେ କାହିଁକି ଏଠାକୁ ଆସିଲେ ନାହିଁ?

Leave a Reply