ନକ୍ସଲ ବିରୋଧୀ ଅପରେସନରେ ବଡ଼ ସଫଳତା, ଦୁର୍ଦ୍ଦାନ୍ତ ମାଓବାଦୀ ହିଡ଼ମା ନିହତ
ନନ୍ଦିଘୋଷ ବ୍ୟୁରୋ: ନକ୍ସଲ ବିରୋଧୀ ଅପରେସନରେ ସୁରକ୍ଷାକର୍ମୀଙ୍କୁ ମିଳିଛି ବଡ଼ ଧରଣର ସଫଳତା । ଗୁଳି ବିନିମୟରେ ଦୁର୍ଦ୍ଦାନ୍ତ ନକ୍ସଲ ହିଡ଼ମା ନିହତ ହୋଇଥିବା ସୂଚନା ମିଳିଛି । ଆନ୍ଧ୍ର ପ୍ରଦେଶରେ ହୋଇଥିବା ବଡ଼ ଧରଣର ନକ୍ସଲ ବିରୋଧୀ ଅପରେସନରେ ହିଡ଼ମାର ମୃତ୍ୟୁ ଘଟିଛି ।
ଆଜି ସକାଳେ ସୀତାରାମା ରାଜୁ ଜିଲ୍ଲାର ମାରେଡୁମିଲିରେ ହୋଇଥିଲା ବଡ଼ ଧରଣର ଏନକାଉଣ୍ଟର । ଏଥିରେ ୬ ନକ୍ସଲ ନିହତ ହୋଇଛନ୍ତି । ସେମାନଙ୍କ ମଧ୍ୟରେ ହିଡମା ଥିବା ସୂଚନା ମିଳିଛି । ହିଡ଼ମାର ପତ୍ନୀ ରାଜେ ମଧ୍ୟ ଏହି ଏନକାଉଣ୍ଟରରେ ନିହତ ହୋଇଛି । ଆନ୍ଧ୍ର, ଛତିଶଗଡ଼ ଓ ତେଲେଙ୍ଗାନା ସୀମାନ୍ତ ଜଙ୍ଗରରେ ଏହି ଏନକାଉଣ୍ଟର ହୋଇଥିଲା । ଏବେ ବି ଏନକାଉଣ୍ଟର ଜାରି ରହିଛି ।
ମାଲକାନଗିରି ସୀମାରେ ମାଓବାଦୀଙ୍କୁ ଏନକାଉଣ୍ଟର
ସେହିପରି ମାଲକାନଗିରି ସୀମାରେ ସୁରକ୍ଷାକର୍ମୀଙ୍କ ଗୁଳିଲେ ଜଣେ ମାଓବାଦୀଙ୍କ ମୃତ୍ୟୁ ଘଟିଛି । ସୁକୁମା ଜିଲ୍ଲା ଏରାବୋର ଜଙ୍ଗଲରେ ଗୁଳି ବିନିମୟ ଚାଲିଛି । ମାଲକାନଗିରି ଜିଲ୍ଲା ପଡିଆ ଥାନା ଆର ପଟେ ରହିଛି ଏରାବୋର ଜଙ୍ଗଲ । ଗତକାଲି ମଧ୍ୟ ଛତିଶଗଡ଼ ଜଗଦଲପୁରରେ ହୋଇଥିବା ଏନକାଉଣ୍ଟରରେ ୩ ନକ୍ସଲ ନିହତ ହୋଇଥିବା ବେଳେ ବହୁ ଅସ୍ତ୍ରଶସ୍ତ୍ର ଜବତ ହୋଇଥିଲା ।
